திருப்பூர்:சர்வதேச அளவிலான "யார்னெக்ஸ்' கண்காட்சி, துணிகளுக்கான "டெக்ஸ் இந்தியா' ஜவுளி கண்காட்சி, திருப்பூர், திருமுருகன்பூண்டி ஐ.கே.எப்., வளாகத்தில், நாளை (19ம் தேதி) துவங்கி, மூன்று நாட்கள் நடைபெற உள்ளது.இந்தியா மற்றும் வெளிநாடுகளில் இருந்து 76க்கும் அதிகமான நிறுவனங்கள் மற்றும் வினியோகஸ்தர்கள் பங்கேற்கும், சர்வதேச ஜவுளி நூல் கண்காட்சி ஆண்டுதோறும் திருப்பூரில் நடத்தப்படுகிறது. எஸ்.எஸ்., டெக்ஸ்டைல் மீடியா நிறுவனம் சார்பில் நடத்தப்படும் இக்கண்காட்சி, திருப்பூர் திருமுருகன்பூண்டி ஐ.கே.எப்., வளாகத்தில் நடைபெற உள்ளது.பருத்தி, கம்பளி முதலான இயற்கை நூலிழைகள், நவீன ரக பேன்சி மற்றும் கலப்பு நூல்கள் மற்றும் சிந்தடிக் ரகங்கள் கண்காட்சியில் இடம்பெறும். சோயாபீன் மற்றும் மூங்கில் பொருட்களில் தயாரிக்கப்பட்ட நூல்கள், நைலான் நுண்ணிய நூல்கள், "மோடல்' மற்றும் "டென்சல்' நூல்கள், தீ எதிர்ப்பு திறன் வாய்ந்த பாலியஸ்டர் மற்றும் விஸ்கோஸ் நூல்கள், அன்றாட பணிகளுக்கு ஏற்ற துணிகளை தயாரிக்கும் உயர் தொழில்நுட்ப பாலியஸ்டர் நூல்கள் மற்றும் நூலிழைகள், தூய பட்டு,"லினன்' மற்றும் சணல் நூல்கள், மதிப்பு கூட்டப்பட்ட பருத்திமற்றும் கலப்புரக நூல்களும் கண்காட்சியில் இடம்பெறும்.

எஸ்.எஸ்., டெக்ஸ்டைல் மீடியா பிரைவேட் லிட்., நிறுவன செயல் இயக்குனர் கிருஷ்ணமூர்த்தி கூறியதாவது: "யார்னெக்ஸ் 2013' கண்காட்சி மூலமாக, திருப்பூர், கோவை, சேலம், கரூர், ஈரோடு, மதுரை, குமாரபாளையம், மும்பை, டில்லி, ஆமதாபாத், கோரேகான், பெங்களூரு, ஹைதராபாத் மற்றும் அமெரிக்கா, மியான்மர், இலங்கை, இங்கிலாந்து, தாய்லாந்து, மத்திய கிழக்கு நாடுகளில் உள்ள நிறுவனங்களை எளிதில் அணுக முடியும்."டெக்ஸ் இந்தியா 2013' என்ற டெக்ஸ்டைல் சோர்சிங் கண்காட்சியும், புதிய வியாபார தொடர்புகளை உருவாக்க உதவியாக, "பிஸினஸ் நெட்வொர்க்கிங் போரம்,' ஆகிய நிகழ்ச்சியும், கண்காட்சியுடன் இணைந்து நடத்தப்படும். புதிய நிறுவனங்களும், உயர்தர தயாரிப்பாளர்களும் பங்கேற்பதால், கண்காட்சி அதிக வரவேற்பை பெறும்."டெக்ஸ் இந்தியா' கண்காட்சியில், "அல்ட்ராபன்' துணி, "சிங்கில் ஜெர்சி' மற்றும் "இன்டர்லாக்' துணி ரகங்கள், "ஆர்கானிக்' பருத்தி துணிகள், "காட்டன் லைக்ரா பிளெண்டு'கள், "கிரே பேப்ரிக்', "நிட்டட்' மற்றும் "வோவன்' துணி, சாயமேற்றிய மற்றும் பிராசஸ் செய்த துணிகள், "இன்டர்லைனிங்'குகள், எம்ப்ராய்டரி நூல், பட்டன், "லேஸ்', "ஜிப்', உள்ளாடை மற்றும் வெளிப்புற ஆடைகளுக்கான துணை பொருட்கள் என அனைத்து வகையான தயாரிப்புகளும் இடம்பெறும். நாளை (19ல்) துவங்கி, 21ம் தேதி வரை கண்காட்சி நடக்கும். தினமும் காலை 10.00 முதல் இரவு 7.00 மணி வரை கண்காட்சியை பார்வையிடலாம்.இவ்வாறு, அவர் கூறினார்.=இயற்கை நூலிழைகள், நவீன ரக பேன்சி மற்றும் கலப்பு நூல்கள் மற்றும் சிந்தடிக் ரகங்கள், சோயாபீன் மற்றும் மூங்கில் பொருட்களில் தயாரிக்கப்பட்ட நூல்கள், நைலான் நுண்ணிய நூல்கள், "மோடல்' மற்றும் "டென்சல்' நூல்கள் கண்காட்சியில் இடம்பெறும்.

மேலும் ஜவுளி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 18,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 18,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 18,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 18,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 18,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்