பருத்தி ஏற்றுமதிக்கு 10 சதவீதம் வரி விதிக்க மத்திய அரசு முடிவுபருத்தி ஏற்றுமதிக்கு 10 சதவீதம் வரி விதிக்க மத்திய அரசு முடிவு ... ரூபாயின் மதிப்பில் ஏற்றம் - ரூ.62.07 ரூபாயின் மதிப்பில் ஏற்றம் - ரூ.62.07 ...
மத்திய அரசின் கடும் நடவடிக்கைகளால்..நவரத்தினங்கள், ஆபரணங்கள் ஏற்றுமதி ரூ.80,242 கோடியாக சரிவு
எழுத்தின் அளவு:

பதிவு செய்த நாள்

26 செப்
2013
01:10

புதுடில்லி:நடப்பு 2013–14ம் நிதிஆண்டின், ஏப்ரல் முதல் ஆகஸ்ட் வரையிலான ஐந்து மாத காலத்தில், நாட்டின் நவரத்தினங்கள் மற்றும் ஆபரணங்கள் ஏற்றுமதி, 80,242 கோடி ரூபாயாக சரிவடைந்துள்ளது.இது,கடந்த நிதி யாண்டின் இதே காலத்தில், மேற்கொள்ளப் பட்ட ஏற்றுமதியை (87,680 கோடி ரூபாய்) விட,8.48 சதவீதம் குறை வாகும் என, நவரத்தினங்கள் மற்றும் ஆபரணங்கள் ஏற்றுமதி மேம்பாட்டு கவுன்சில் வெளியிட்டுள்ள, புள்ளி விவரத்தில் தெரிவிக்கப்பட்டுள்ளது.
நடப்பு கணக்குகணக்கீட்டு காலத்தில், டாலர் மதிப்பின் அடிப்படையில் இதன் ஏற்றுமதி, 13.43 சதவீதம் சரி வடைந்து, 1,599 கோடி டாலரில் இருந்து, 1,384 கோடி டாலராக குறைந்துள்ளது.நாட்டின் நடப்பு கணக்கு பற்றாக் குறை அதிகரித்து வருவதை கட்டுப்படுத்தும் வகையிலும், டாலருக்கு எதிரான ரூபாய் மதிப்பு சரிவடைவதை தடுத்து நிறுத்திடும் வகையிலும், மத்தியஅரசும், ரிசர்வ் வங்கியும், தங்கம் மற்றும் ஆபரணங்கள் இறக்குமதிக்கு கடும் கட்டுப்பாடுகளை அமல்படுத்தியுள்ளன.
மேலும், இவற்றின் மீதான, சுங்க வரியையும் மத்திய அரசு, உயர்த்தியுள்ளது.இது போன்ற காரணங்களால், தங்க ஆபரணங்கள் ஏற்றுமதி நிறுவனங்களுக்கு போதிய அளவிற்கு தங்கம் கிடைக்கவில்லை. இதுவும், இவற்றின் ஏற்றுமதி குறைவிற்கு காரணம் என, ஆய்வாளர்கள் தெரிவித்தனர்.
கடந்த ஆகஸ்ட் மாதத்தில், நவரத்தினங்கள் மற்றும் ஆபரணங்கள் ஏற்றுமதி, டாலர் மதிப்பின் அடிப்படையில, 10.25 சதவீதம் குறைந்து, 314 கோடி டாலரில் இருந்து, 282 கோடி டாலராக சரிவடைந்துள்ளது.
வளர்ச்சி:அதேசமயம், ரூபாய் மதிப்பின் அடிப்படையில், இவற்றின் ஏற்றுமதி, 2.11 சதவீதம் வளர்ச்சி கண்டு, 17,447 கோடி ரூபாயில்இருந்து, 17,814 கோடி ரூபாயாக உயர்ந்துள்ளது.நடப்பு நிதியாண்டின் முதல் ஐந்து மாத காலத்தில், நறுக்கப்பட்ட மற்றும் பட்டை தீட்டப்பட்ட வைரங்கள் ஏற்றுமதி, ரூபாய் மதிப்பின் அடிப்படையில், 46.33 சதவீதம் வளர்ச்சி கண்டு, 34,067 கோடி ரூபாயிலிருந்து, 49,850 கோடி ரூபாயாக உயர்ந்து உள்ளது. இது, டாலர் மதிப்பின் அடிப்படையில், 37.40 சதவீதம் வளர்ச்சி கண்டு, 623.72 கோடி டாலரில் இருந்து, 857 கோடி டாலராக அதிகரித்துள்ளது.
டாலர் மதிப்பு:கணக்கீட்டு காலத்தில், அளவின் அடிப்படையில், இதன் ஏற்றுமதி, 133.96 லட்சம் காரட்டிலிருந்து, 154.12 லட்சம் காரட்டாக உயர்ந்துள்ளது.மதிப்பீட்டு காலத்தில், தங்க ஆபரணங்கள் ஏற்றுமதி, ரூபாய் மதிப்பின் அடிப்படையில், 57.12 சதவீதம் சரிவடைந்து, 36,404 கோடி ரூபாயிலிருந்து, 15,610 கோடி ரூபாயாக வீழ்ச்சி கண்டு உள்ளது. இது, டாலர் மதிப்பின் அடிப்படையில், 59.35 சதவீதம் வீழ்ச்சி கண்டு, 661 கோடி டாலரில்இருந்து, 269 கோடி டாலராக சரிவடைந்துள்ளது.
தங்க காசுகள் மற்றும் நாணயங்கள் ஏற்றுமதி, ரூபாய் மதிப்பின் அடிப்படையில், 72.43 சதவீதம் வீழ்ச்சி கண்டு, 11,669 கோடி ரூபாயிலிருந்து, 3,217 கோடி ரூபாயாக சரிவுஅடைந்துள்ளது.நவரத்தினங்கள் ஏற்றுமதி, 123 சத வீதம் வளர்ச்சி கண்டு, 634 கோடி ரூபாயிலிருந்து, 1,415 கோடிரூபாயாக அதிகரித்துள்ளது.வெள்ளி ஆபரணங்கள் ஏற்றுமதி, 156 சதவீதம் அதிகரித்து, 1,431 கோடி ரூபாயிலிருந்து, 3,666 கோடி ரூபாயாக வளர்ச்சி கண்டுள்ளது.
கச்சா வைரம்:கணக்கீட்டு காலத்தில், கச்சா வைரம் ஏற்றுமதி, 36.83 சதவீதம்வளர்ச்சி கண்டு, 3,217 கோடி ரூபாயிலிருந்து, 4,402 கோடி ரூபாயாக அதிகரித்துள்ளது. இது, அளவின் அடிப்படையில், 74.8 சதவீதம் உயர்ந்து, 127 லட்சம் காரட்டில்இருந்து, 222 லட்சம் காரட் என்ற அளவில் அதிகரித்துள்ளது என, இக்கவுன்சிலின் புள்ளிவிவரத்தில் மேலும் தெரிவிக்கப் பட்டுள்ளது.

Advertisement

மேலும் பொது செய்திகள்

business news
புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்
business news
புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்
business news
புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்
business news
புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்
business news
புதுடில்லி-நாட்டின் தயாரிப்புத் துறை உற்பத்தி வளர்ச்சி, கடந்த ஜூலையில், எட்டு மாதங்களில் இல்லாத உயர்வை ... மேலும்
  தினமலர் முதல் பக்கம்
வர்த்தகம் முதல் பக்கம் »
Advertisement
Advertisement
Advertisement
dinamalar-advertisement-tariff-2018
  • தங்கம்
  • வெள்ளி
  • கரன்சி
  • மளிகை மார்க்கெட்
 
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)