பதிவு செய்த நாள்
27 செப்2013
17:44
மாருதியின் புதிதாய் அறிமுகப்படுத்தப்பட்டுள்ள ஸ்டிங்க்ரே, மிகவும் வெற்றிகரமான மாடலாக உலகெங்கும் போற்றப்பட்ட வேகன்-ஆர் இன் ஸ்டைலான ஸ்போர்ட்டியான மறு அவதாரம் என்றே சொல்ல வேண்டும். ஸ்டிங்க்ரேயில் பல முன்னணி அம்சங்களான ஏபிஎல், ஓட்டுனர் ஏர்பேக், ட்ரைவ் இன்டு டிஸ்ப்ளே, முதன்மையான வடிவமைப்பினை ஹெட்லாம்ப், கன் மெட்டல் பினிஷ் கொண்ட அலாய் வீல்கள், பியானோ கறுப்பு நிறத்திலான உள் அலங்கார அமைப்புகள், யுஎஸ்பி மற்றும் ஆக்ஸ் இன் கொண்ட மியூசிக் சிஸ்டம் போன்றவை கொடுக்கப்பட்டுள்ளன.
வேகன் ஆர்க்கும் ஸ்டிங்க்ரேவிற்குமான முக்கியமான வேறுபாடு வெளிப்புற தோற்றத்தில் தான் உள்ளது. புத்தம் புதிய பம்பர்கள், பெரிய அளவுள்ள ஏர் டேம், ஸ்பாய்லர், மாற்றியமைக்கப்பட்ட பாக் லாம், எல்இடி அம்சம் கொண்ட க்ரில் போன்றவைகள் ஒரு விதமான முரட்டுத் தனம் கூடிய ஸ்போர்ட்டியான தோற்றத்தை வழங்குகிறது. ஸ்டிங்க்ரேயில் வேகன் ஆர் இல் உள்ளது போன்ற 1.0 லிட்டர் கே.சீரில் பெட்ரோல் இன்ஜின் கொடுக்கப்பட்டுள்ளது. 998 சிசி திறனுடன் 67.1640 பவரை வழங்குவதாகவும் 90 என்எம் டார்க்கை 3,500 ஆர்பிஎம்மில்வழங்குவதாகவும் உள்ள இதன் இன்ஜின் 5 ஸ்பீட் மானுவல் ட்ரான்ஸ்மிஷன் கொண்டு இயங்குகிறது.
வேகன்-ஆர் இல் உள்ளது போல் சி.என்.ஜி ஆப்ஷன் ஸ்டிங்க்ரேயில் கொடுக்கப்படவில்லை. ஆனால், கூடிய விரைவில் இதன் சி.என்.ஜி மாடல் வெளியிடப்படும் என்று எதிர்பார்க்கப்படுகிறது. மாருதியின் அதிகம் விற்பனையாகும் மாடல்களில் ஒன்றான வேகன்-ஆர் இன் ஸ்டைலான தோற்றம் ஸ்டிங்க்ரே என்பதால், இதுவும் இந்திய மக்களின் ஏகோபித்த அபிமானத்தை பெறும் என்றே எதிர்பார்க்கப்படுகிறது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|