திருப்பூர்:" தஞ்சாவூர், நாகப்பட்டினம், திருவாரூர், மணச்சநல்லூர், மதுரை வாடிப்பட்டி, கம்பம் பகுதியில் நடப்பாண்டு இறுதியில் நெல் வரத்து வழக்கத்தை விட நெல் வரத்து அதிகரிக்கும் என்பதால், அரிசி விலை மேலும் குறையும்,'' என தமிழ்நாடு அரிசி ஆலை உரிமையாளர் மற்றும் நெல் அரிசி வணிகர் சம்மேளன மாநில செயலாளர் மோகன் கூறினார்.கடந்த நான்கு ஆண்டுகளில் இல்லாத அளவு மழை, கர்நாடகா, ஆந்திராவில் பெய்துள்ளது. அறிவிக்கப்பட்டதற்கு 10 நாட்கள் முன்னதாகவே தண்ணீர் காவிரியில் திறக்கப்பட்டுள்ளது. இதனால், கடந்த ஆண்டுகளை விட, தமிழகத்தில் அதிகளவு நெல் விளைச்சல் நடப்பு ஆண்டில் இருக்கும் என அரிசி ஆலை உரிமையாளர்கள் எதிர்பார்த்துள்ளனர்.தமிழ்நாடு அரிசி ஆலை உரிமையாளர் மற்றும் நெல் அரிசி வணிகர் சம்மேளன மாநில செயலாளர் மோகன் கூறுகையில், ""ஆந்திரா, கர்நாடகாவில் இருந்து வழக்கமாக 2000 முதல் 2,500 லாரிகள், 17 டன் எடையுடன் நெல் ஏற்றி வரும். அக்., துவக்கத்தில் நெல் வரத்து அதிகரிக்கும். அதிக விளைச்சலால், நவ., மற்றும் டிச., மாதங்களில் 3,000 லாரிகள் வரை வரும். நெல்லுக்கான விலை உயர்த்தப்பட்டுள்ளது விவசாயிகள் மத்தியில் மகிழ்ச்சியை ஏற்படுத்தியுள்ளது. உற்சாகத்துடன் நடவு பணிகளில் ஈடுபட்டு வருகின்றனர். நடப்பாண்டு இறுதியில் தஞ்சாவூர், நாகப்பட்டினம், திருவாரூர், மணச்சநல்லூர், மதுரை வாடிப்பட்டி, கம்பம் பகுதியில் இருந்து நெல் வரத்து கூடுதலாக இருக்கும். வழக்கத்தை விட நெல் வரத்து அதிகரிக்கும் என்பதால், புத்தாண்டு மற்றும் பொங்கல் துவங்கும் முன்பே, அரிசி விலை மேலும் குறையும்,'' என்றார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 28,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 28,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 28,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 28,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 28,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்