பதிவு செய்த நாள்
17 அக்2013
13:01
புதுடில்லி : இந்தியாவின் வளர்ச்சி விகிதம் 4.7 சதவீதமாக குறையும் என உலக வங்கி தெரிவித்துள்ளது. கடந்த ஏப்ரலில் உலக வங்கி, இந்தியாவின் வளர்ச்சி விகிதம், நடப்பாண்டில் 6.1 சதவீதமாகவும், அடுத்தாண்டு 6.7 சதவீதமாக இருக்கும் என கூறியிருந்தது. ஆனால் இப்போது அதை குறைத்துள்ளது.
உலக வங்கி வெளியிட்டுள்ள அறிக்கையில் இந்தியாவின் மொத்த உள்நாட்டு உற்பத்தி 4.7 சதவீதமாக குறையும் என்று கூறியுள்ளது. நடப்பாண்டில் முதல் காலாண்டில் இந்தியாவின் வர்த்தகம் குறைந்து இருப்பது, கடனுக்கான வட்டி விகிதம் உயர்வு, ஜூலை மாதத்தில் உற்பத்தித் துறையில் ஏற்பட்ட சரிவு, நடப்பு கணக்கு பற்றாக்குறை அதிகரிப்பு போன்றவற்றை பார்க்கும்போது வளர்ச்சி விகிதம் 4.7 சதவீதம் என்ற அளவிலேயே இருக்கும் என உலக வங்கி குறிப்பிட்டுள்ளது.
கடந்தவாரம் தான் பண்ணாட்டு நிதியமைப்பு இந்தியாவின் வளர்ச்சி 3.75 சதவீதமாகத்தான் இருக்கும் என்று கூறியிருந்த நிலையில் இப்போது உலக வங்கியும் இந்தியாவின் வளர்ச்சி குறையும் என்று கூறியுள்ளது. ஆனால் மத்திய பொருளாதார துறை அமைச்சம், நிதியமைச்சகம் எல்லாம் இந்தியாவின் வளர்ச்சி 5 சதவீதமாக இருக்கும் என்று கூறி வருகிறது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|