பதிவு செய்த நாள்
18 அக்2013
02:41
சென்னை : நேற்று, ஆபரண தங்கம் விலை சவரனுக்கு, 376 ரூபாய் உயர்ந்து, 23,192 ரூபாய்க்கு விற்பனையானது.சென்னையில், நேற்று முன்தினம், 22 காரட் ஆபரண தங்கம், 1 கிராம், 2,852 ரூபாய்க்கும், 1 சவரன், 22,816 ரூபாய்க்கும் விற்பனை செய்யப்பட்டது. 24 காரட், 10 கிராம் சுத்த தங்கம், 30,505 ரூபாய்க்கு விற்பனையானது.
இந்நிலையில், நேற்று, தங்கம் விலை கிராமுக்கு, 47 ரூபாய் உயர்ந்து, 2,899 ரூபாய்க்கு விற்பனை செய்யப்பட்டது. சவரனுக்கு, 376 ரூபாய் அதிகரித்து, 23,192 ரூபாய்க்கு விற்பனையானது. 10 கிராம் சுத்த தங்கம், 505 ரூபாய் உயர்ந்து, 31,010 ரூபாய்க்கு விற்பனை செய்யப்பட்டது.ஆகஸ்ட், 29ம் தேதிக்கு பின், 1 சவரன் தங்கம் விலை மீண்டும், 23 ஆயிரம் ரூபாயை தாண்டியுள்ளது என்பது குறிப்பிடத்தக்கது.
ஒரு கிராம் வெள்ளி, 51.60 ரூபாய்க்கும், ஒரு கிலோ பார் வெள்ளி, 48,240 ரூபாய்க்கும் விற்பனையானது.இதுகுறித்து, சென்னை தங்க நகை மற்றும் வைர நகை வியாபாரிகள் சங்கத் தலைவர் ஜெயந்திலால் சலானி கூறுகையில், "சர்வதேச அளவில், ஒரு அவுன்ஸ் தங்கம் விலை, 35 டாலர் உயர்ந்து, 1,310 டாலராக அதிகரித்துள்ளது. இதனால், உள்நாட்டிலும், தங்கம் விலை உயர்ந்துள்ளது," என்றார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|