ஐதராபாத் : பொதுத் துறையைச் சேர்ந்த நேஷனல் மினரல் டெவலப்மென்ட் கார்ப்பரேஷன் (என்.எம்.டீ.சி.,), நடப்பு 2013-14ம் நிதியாண்டின் ஏப்ரல் முதல் செப்டம்பர் வரையிலான ஆறு மாத காலத்தில், 1.29 கோடி டன் இரும்பு தாதுவை உற்பத்தி செய்துள்ளது. இது, கடந்த ஆண்டின் இதே காலத்தில், 1.22 கோடி டன்னாக இருந்தது. ஆக, மதிப்பீட்டு காலத்தில், இந்நிறுவனத்தின் இரும்புத் தாது உற்பத்தி, 5.31 சதவீதம் வளர்ச்சி கண்டுள்ளது.மதிப்பீட்டு காலத்தில், இந்நிறுவனத்தின் ஒட்டு மொத்த இரும்பு தாது விற்பனை, 8.09 சதவீதம் அதிகரித்து, 1.27 கோடி டன்னிலிருந்து, 1.38 கோடி டன்னாக வளர்ச்சி கண்டுள்ளது.