பதிவு செய்த நாள்
28 அக்2013
01:12
புதுடில்லி:நாட்டின் தோல் பொருட்கள் ஏற்றுமதி, நடப்பு நிதியாண்டின் ஏப்ரல் முதல் ஜூலை வரையிலான நான்கு மாத காலத்தில், ரூபாய் மற்றும் டாலர் மதிப்பின் அடிப்படையில் சிறப்பான அளவில் வளர்ச்சி கண்டுள்ளதாக, மத்திய வர்த்தக ஆய்வு மற்றும் புள்ளி யியல் இயக்குனரகம் வெளியிட்டுள்ள புள்ளி விவரத்தில் தெரிவிக்கப்பட்டுள்ளது.ரூபாய் மதிப்பு:கணக்கீட்டு காலத்தில், ரூபாய் மதிப்பின் அடிப்படையில், தோல் பொருட்கள் ஏற்றுமதி, 10 ஆயிரம் கோடி ரூபாயை தாண்டி, 10,536 கோடி ரூபாயாக வளர்ச்சி கண்டுள்ளது.
இது, கடந்த நிதியாண்டின் இதே காலத்தில் மேற்கொள்ளப் பட்ட ஏற்றுமதியை (8,928 கோடி ரூபாய்) விட, 18.35 சதவீதம் அதிகமாகும்.இதே காலத்தில், டாலர் மதிப்பின் அடிப்படையில் இவற்றின் ஏற்றுமதி, 13.28 சதவீதம் அதிகரித்து, 163.50 கோடி டாலரிலிருந்து, 185 கோடி டாலராக வளர்ச்சி கண்டுள்ளது.
நாட்டின் ஒட்டு மொத்த ஏற்றுமதியை விட, இறக்குமதி அதிகரித்ததால், கடந்த 2012–13ம் நிதியாண்டில், நடப்பு கணக்கு பற்றாக்குறை, மொத்த உள்நாட்டு உற்பத்தியில், 4.8 சதவீதம் அல்லது 8,800 கோடி டாலராக அதிகரித்தது.
நடவடிக்கை:இதை, நடப்பு நிதியாண்டில், 3.8 சதவீதம் அல்லது 7,000 கோடி டாலராக குறைக்கும் வகையில், மத்திய அரசு, பல்வேறு நடவடிக்கைகளை மேற்கொண்டு வருகிறது.இந்நிலையில், நாட்டின் தோல் பொருட்கள் ஏற்றுமதி சிறப்பான அளவில் வளர்ச்சி கண்டு வருவது, மகிழ்ச்சி அளிப்பதாக உள்ளது.
காலணிகள்:மதிப்பீட்டு காலத்தில், பயன்பாட்டிற்கான தோல் ஏற்றுமதி, 13.98 சதவீதம் அதிகரித்து, 2,100 கோடி ரூபாயிலிருந்து, 2,393 கோடி ரூபாயாக உயர்ந்து உள்ளது. தோல் காலணிகள் ஏற்றுமதி, 15.21 சதவீதம் அதிகரித்து, 3,048 கோடியிலிருந்து, 3,511 கோடி ரூபாயாக வளர்ச்சி கண்டுள்ளது.காலாணிகளுக்கான உதிரி பாகங்கள் ஏற்றுமதி, 35.90 சதவீதம் உயர்ந்து, 460 கோடியிலிருந்து, 625 கோடி ரூபாயாக உயர்ந்துள்ளது.
தோல் ஆடைகள் ஏற்றுமதி, 7.33 சதவீதம் உயர்ந்து, 944 கோடியிலிருந்து, 1,013 கோடி ரூபாயாக அதிகரித்துள்ளது.வளர்ச்சி:தோல் பொருட்கள் ஏற்றுமதி, 21.03 சதவீதம் வளர்ச்சி கண்டு, 1,979 கோடியிலிருந்து, 2,396 கோடி ரூபாயாக அதிகரித்துள்ளது. விலங்கினங்களுக்கு பயன்படுத்தப்படும் தோல் பொருட்கள் ஏற்றுமதி, 39.07 சதவீதம் அதிகரித்து, 186 கோடியிலிருந்து, 258 கோடி ரூபாயாக வளர்ச்சி கண்டுள்ளது.தோல் சாராத காலணிகள் ஏற்றுமதி, 82.24 சதவீதம் அதிகரித்து, அதாவது, 186 கோடியிலிருந்து, 339 கோடி ரூபாயாக உயர்ந்துள்ளது. மேற்கண்ட அனைத்து பொருட்களும், ரூபாய் மதிப்பில் மட்டுமின்றி, டாலர் மதிப்பின் அடிப்படையிலும் சிறப்பாக வளர்ச்சி கண்டுள்ளன.குறிப்பாக, தோல் சாராத காலணிகள் ஏற்றுமதி, டாலர் மதிப்பின் அடிப்படையில், 74.43 சதவீதம் அதிகரித்து, 3.40 கோடி டாலரிலிருந்து, 6 கோடி டாலராக அதிகரித்துள்ளது என்பது குறிப்பிடத்தக்கது. நம்நாட்டின் தோல் பொருட்கள், 28க்கும் மேற்பட்ட நாடுகளுக்கு ஏற்றுமதி செய்யப்படுகின்றன.நாட்டின் மொத்த தோல் பொருட்கள் ஏற்றுமதியில், ஜெர்மனி, 12.26 சதவீத பங்களிப்புடன் முதலிடத்தில் உள்ளது. இதையடுத்து, இங்கிலாந்து, 11.22 சதவீத பங்களிப்புடனும், அமெரிக்கா, 10.57 சதவீத பங்களிப்புடனும், முறையே, இரண்டாவது மற்றும் மூன்றாவது இடங்களில் உள்ளன.
டென்மார்க்:இவை தவிர, இத்தாலி (7.63 சதவீதம்), பிரான்ஸ் (5.90), ஸ்பெயின் (4.33), நெதர்லாந்து (3.51), சீனா (0.81), டென்மார்க் (1.48), யு.ஏ.இ., (3.30), பெல்ஜியம் (1.75) மற்றும் ஹாங்காங் (0.65 சதவீதம்) ஆகிய நாடுகளுக்கும் மிக அதிகளவில் தோல் பொருட்கள் ஏற்றுமதியாகின்றன.நாட்டின் மொத்த தோல் பொருட்கள் ஏற்றுமதியில் மேற்கண்ட, 12 நாடுகளின் பங்களிப்பு மட்டும், 63 சதவீத அளவிற்கு உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|