ஆப­ரண தங்கம் விலைசவ­ர­னுக்கு ரூ.152 குறைவுஆப­ரண தங்கம் விலைசவ­ர­னுக்கு ரூ.152 குறைவு ... ரூ.13,796 கோடி மானியம் வழங்க ஓ.என்.ஜி.சி.,க்கு மத்­திய அரசு உத்­த­ரவு ரூ.13,796 கோடி மானியம் வழங்க ஓ.என்.ஜி.சி.,க்கு மத்­திய அரசு உத்­த­ரவு ...
கடந்த 11 மாதங்­களில் இல்­லாத அள­வாகமுக்­கிய எட்டு துறை­களின் உற்­பத்தி 8 சத­வீதம் வளர்ச்சி
எழுத்தின் அளவு:

பதிவு செய்த நாள்

02 நவ
2013
00:13

புது­டில்லி:நாட்டின் முக்­கிய எட்டு துறை­களின் உற்­பத்தி, சென்ற செப்­டம்பர் மாதத்தில், 8 சத­வீதம் என்ற அளவில் சிறப்­பாக வளர்ச்சி கண்­டுள்­ளது.இது, கடந்த 11 மாதங்­க­ளுக்குப் பின், காணப்­படும் அதி­க­பட்ச வளர்ச்­சி­யாகும்.
நிலக்கரி:கடந்த, 2012ம் ஆண்டு செப்­டம்பர் மாதம், முக்­கிய எட்டு துறை­களின் வளர்ச்சி 8.3 சத­வீதம் என்ற அளவில் இருந்­தது. அத­னுடன் ஒப்­பிடும் போது, நடப்­பாண்டு செப்­டம்பர் மாதத்தில், இதன் வளர்ச்சி சற்று குறைந்­துள்­ளது என, மத்­திய அரசு வௌியிட்­டுள்ள புள்­ளி­வி­வ­ரத்தில் தெரி­விக்­கப்­பட்­டுள்­ளது.
முக்­கிய எட்டு துறை­களின் கீழ், நிலக்­கரி, கச்சா எண்ணெய், இயற்கை எரி­வாயு, பெட்­ரோ­லியம் சுத்­தி­க­ரிப்பு பொருட்கள், உரம், மின்­சாரம், உருக்கு மற்றும் சிமென்ட் ஆகிய துறைகள் இடம் ­பெற்­றுள்­ளன.
நாட்டின் தொழில் துறை உற்­பத்தி குறி­யீட்டு எண் கணக்­கி­டு­வதில், மேற்­கண்ட எட்டு துறை­களின் பங்­க­ளிப்பு, 38 சத­வீதம் என்ற அளவில் உள்­ளது.சென்ற ஆகஸ்ட் மாத்தில், நாட்டின் தொழில் துறை உற்­பத்தி, 0.6 சத­வீதம் என்ற அளவில் மிகவும் சரி­வ­டைந்து போனது. இது, இதற்கு முந்­தைய ஜூலை மாதத்தில், 2.7 சத­வீதம் என்ற அளவில் வளர்ச்சி கண்­டி­ருந்­தது.
எனவே, செப்­டம்பர் மாதத்தில், முக்­கிய எட்டு துறைகள் சிறப்­பாக வளர்ச்சி கண்­டுள்­ளது என்­பது, நாட்டின் தொழில் துறை உற்­பத்தி வளர்ச்­சியில் சாத­க­மான விளை­வு­களை ஏற்­ப­டுத்தும் என, எதிர்­பார்க்­கப்­ப­டு­கி­றது.மதிப்­பீட்டு மாதத்தில், மின்­சாரம், கச்சா எண்ணெய், உருக்கு ஆகிய துறை­களின் உற்­பத்தி நல்ல அளவில் அதி­க­ரித்­துள்­ளது.
குறிப்­பாக, சென்ற செப்­டம்­பரில், மின்­சார துறையின் உற்­பத்தி, 12.6 சத­வீதம் என்ற அளவில் சிறப்­பாக வளர்ச்சி கண்­டுள்­ளது. இது, இதற்கு முந்­தைய, 2012ம் ஆண்டின், இதே மாதத்தில், 3.9 சத­வீதம் என்ற அளவில் குறைந்து காணப்­பட்­டது.
கச்சாஎண்ணை:இதே காலத்தில், உருக்கு துறையின் உற்­பத்தி, 1.3 சத­வீதம் என்ற அள­வி­லி­ருந்து, 6.6 சத­வீ­த­மாக உயர்ந்­துள்­ளது.கணக்­கீட்டு மாதத்தில், கச்சா எண்ணெய் உற்­பத்தி, 0.6 சத­வீதம் என்ற அளவில் வளர்ச்சி கண்­டுள்­ளது.
இது, கடந்­தாண்டு இதே மாதத்தில், மைனஸ் 1.8 சத­வீதம் என்ற அளவில் மிகவும் பின்­ன­டைவை கண்­டி­ருந்­தது.அதே­ச­மயம், சென்ற செப்­டம்­பரில், சிமென்ட் துறையின் உற்­பத்தி வளர்ச்சி, 11.5 சத­வீதம் என்ற அளவில் இருந்­தது.
இது,கடந்­தாண்டு இதே மாதத்தில், 13.8 சத­வீதம் என்ற அளவில் உயர்ந்து காணப்­பட்­டது.
இதே காலத்தில், உரத் துறையின் உற்­பத்தி வளர்ச்சி, 5.7 சத­வீதம் என்ற அள­வி­லி­ருந்து, 5.3 சத­வீ­த­மாக குறைந்­துள்­ளது. மேலும், பெட்­ரோ­லிய சுத்­தி­க­ரிப்பு துறையின் உற்­பத்தி வளர்ச்சி, 34.9 சத­வீதம் என்ற அள­வி­லி­ருந்து, 8 சத­வீ­த­மாக குறைந்­துள்­ளது.
சென்ற செப்­டம்பர் மாதத்தில், நாட்டின் இயற்கை எரி­வாயு துறை உற்­பத்தி, மைனஸ் 14.1 சத­வீதம் என்ற அளவில் பின்­ன­டைவை கண்­டுள்­ளது. இது, சென்ற ஆண்டு செப்­டம்­பரில், மைனஸ் 14.9 சத­வீதம் என்ற அளவில் மிகவும் பின்­ன­டைந்து காணப்­பட்­டது.
அதே­ச­மயம், நிலக்­கரி துறை உற்­பத்தி, 12,5 சத­வீதம் என்ற அளவில் வளர்ச்சி கண்­டுள்­ளது. கடந்­தாண்டு இதே மாதத்தில், இத்­து­றையின் வளர்ச்சி, 22.2 சத­வீதம் என்ற அளவில் உயர்ந்து காணப்­பட்­டது.
நடப்பு நிதி­யாண்டின், ஏப்ரல் முதல் செப்­டம்பர் வரை­யி­லான முதல் ஆறு மாத காலத்தில், நாட்டின் முக்­கிய எட்டு துறை­களின் உற்­பத்தி வளர்ச்சி, 3.2 சத­வீதம் என்ற அளவில் குறைந்­துள்­ளது. இது, கடந்தநிதி­யாண்டின் இதே காலத்தில், 6.6 சத­வீ­த­மாக அதி­க­ரித்து காணப்­பட்­டது.
சாதகமான விளைவுகள்:சென்ற செப்­டம்பர் மாதத்தில் முக்­கிய எட்டு துறை­களின் உற்­பத்தி அதி­க­ரித்­துள்­ளதை மட்டும் வைத்து, நாம் ஒரு முடி­விற்கு வர முடி­யாது. இந்தஎழுச்சி நிலை, மேலும், இரண்டு அல்­லது மூன்று மாதங்­க­ளுக்கு தொட­ரும் ­பட்­சத்­தில்தான், உறு­தி­யாககூற­மு­டியும்.
இருப்­பினும், முக்­கிய எட்டு துறைகள் உற்­பத்தி அதி­க­ரித்­துள்­ளது, செப்­டம்பர் மாத தொழில்­துறை உற்­பத்­தியில், நிச்­சயம் சாத­க­மான விளை­வு­களை ஏற்­ப­டுத்தும் என, கிரிசில் அமைப்பின் முதன்மை பொரு­ளா­தார ஆலோ­சகர் டீ.கே. ஜோஷி தெரி­வித்தார்.

Advertisement

மேலும் பொது செய்திகள்

business news
வர்த்தக துளிகள் நவம்பர் 02,2013
கார் வாங்கும் எண்ணம்புதிதாக நுழைவு நிலை கார் வாங்குவது அல்லது இருக்கும் காரை மேம்படுத்துவது போன்ற ... மேலும்
business news
வளமான எதிர்காலத்திற்கு திட்டமிட்டு முதலீடு செய்வது அவசியம். சரியான முதலீடு சாதனங்களை தேர்வு செய்வதோடு, ... மேலும்
business news
வட்டி விகித உயர்வு, கட்டுமான பொருட்களின் விலை உயர்வு உள்ளிட்ட அம்சங்களை மீறி, ரியல் வீடுகளுக்கான தேவை ... மேலும்
business news
பொதுவாக, 60 வயது முதல் 80 வரையான மூத்த குடிமக்களுக்கான வருமான வரிச் சலுகைகள் குறித்து விளக்கவும். ... மேலும்
business news
புதுடில்லி:உணவு வினியோகத்தில் ஈடுபட்டுள்ள நிறுவனமான ஸ்விக்கி, உணவக தொழில்நுட்ப நிறுவனமான ‘டைன் அவுட்’ ... மேலும்
  தினமலர் முதல் பக்கம்
வர்த்தகம் முதல் பக்கம் »
Advertisement
Advertisement
Advertisement
dinamalar-advertisement-tariff-2018
  • தங்கம்
  • வெள்ளி
  • கரன்சி
  • மளிகை மார்க்கெட்
 
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)