பதிவு செய்த நாள்
13 நவ2013
00:29
புதுடில்லி: நாட்டின் தொழில்துறை உற்பத்தி, சென்ற செப்டம்பர் மாதத்தில், 2 சதவீதம் வளர்ச்சி கண்டுள்ளது.இது, கடந்தாண்டின் இதே மாதத்தில், மைனஸ், 0.7 சதவீதம் என்ற அளவில் பின்னடைவை கண்டிருந்தது.
நடப்பு நிதியாண்டின் ஏப்ரல் முதல் செப்டம்பர் வரையிலான ஆறு மாத காலத்தில், தொழில்துறை உற்பத்தி வளர்ச்சி, 0.4 சதவீதம் என்ற அளவில் உள்ளது.இது, கடந்த நிதியாண்டின் இதே காலத்தில், 0.1 சதவீதம் என்ற அளவில் குறைந்து காணப்பட்டது.மின் துறையின் உற்பத்தி வளர்ச்சி, சென்ற செப்டம்பரில், 12.9 சதவீதமாகவும், நடப்பு நிதியாண்டின் முதல் ஆறு மாத காலத்தில், 5.9 சதவீதமாகவும் இருந்தது. அதேசமயம், கடந்தாண்டின் முதல் ஆறு மாத காலத்தில், இத்துறையின் உற்பத்தி வளர்ச்சி, 4.6 சதவீதம் என்ற அளவில் இருந்தது.
சென்ற செப்டம்பரில், சுரங்க துறையின் உற்பத்தி வளர்ச்சி, 3.3 சதவீதம் என்ற அளவில் இருந்தது. இது, கடந்தாண்டு இதே மாதத்தில், 2.2 சதவீதம் என்ற அளவில் இருந்தது.சென்ற செப்டம்பரில், தயாரிப்பு துறையின் உற்பத்தி வளர்ச்சி , 0.6 சதவீதம் என்ற அளவில் உயர்ந்துள்ளது. இது, கடந்தாண்டு செப்டம்பரில், மைனஸ் 1.6 சதவீதம் என்ற அளவில் பின்னடைவை கண்டிருந்தது.
பொறியியல் துறையின் உற்பத்தி வளர்ச்சி, நடப்பு நிதியாண்டின் முதல் ஆறு மாத காலத்தில், மைனஸ் 0.7 சதவீதம் என்ற அளவில் பின்னடைவை கண்டுள்ளது. இது, கடந்தாண்டின் இதே காலத்தில், மைனஸ் 14.2 சதவீதம் என்ற அளவில் மிகவும் பின்னடைந்து காணப்பட்டது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|