புதுடில்லி: இன்னும் இரண்டு ஆண்டுகளில், நாட்டின் பொருளாதார வளர்ச்சி, மீண்டும், 8 சதவீதத்தை எட்டும் என, மத்திய திட்டக்குழுவின் துணைத் தலைவர் மான்டேக் சிங் அலுவாலியா நம்பிக்கை தெரிவித்தார்.அவர் மேலும் கூறியதாவது:
நடப்பு 12வது ஐந்தாண்டு (2012–17) திட்ட காலத்தின், முதல் நிதி ஆண்டில், நாட்டின் பொருளாதார வளர்ச்சி, கடந்த 10 ஆண்டுகளில் இல்லாத அளவிற்கு, 5 சதவீதம் என்ற அளவில் குறைந்தது.அதேசமயம், மத்திய அரசு, நடப்பு 12வது ஐந்தாண்டு திட்ட காலத்தில், ஆண்டுக்கு சராசரியாக, 8 சதவீதம் பொருளாதார வளர்ச்சி காண இலக்கு நிர்ணயித்துள்ளது.
நடப்பு நிதியாண்டின் ஏப்ரல் முதல் ஜூன் வரையிலான முதல் காலாண்டில், நாட்டின் பொருளாதார வளர்ச்சி, 4.4 சதவீதமாக குறைந்துள்ளது.இது, இதற்கு முந்தைய காலாண்டில் (ஜன.,–மார்ச்), 4.8 சதவீதமாகவும், கடந்த நிதியாண்டின் முதல் காலாண்டில், 5.4 சதவீதமாகவும் உயர்ந்து காணப்பட்டது.
எனினும், நடப்பு நிதியாண்டின் இரண்டாவது அரையாண்டில், பொருளாதார வளர்ச்சி நிச்சயம் சிறப்பான அளவில் இருக்கும். இதனை எடுத்துக்காட்டும் வகையில், அக்டோபர் மாதத்தில், நாட்டின் ஏற்றுமதி, 13.7 சதவீதம் வளர்ச்சி கண்டு, 2,720 கோடி டாலராக உயர்ந்துள்ளது. இது, கடந்த இரண்டு ஆண்டுகளில் இல்லாத அதிகபட்ச அளவாகும்.மேலும், நடப்பு கணக்கு பற்றாக்குறையும், எதிர்பார்க்கப்பட்ட அளவை விட குறையும் சூழல் உருவாகியுள்ளது.
அதாவது, நிதியமைச்சர், நடப்பு நிதிஆண்டில், நாட்டின் நடப்பு கணக்கு பற்றாக்குறை, 7,000 கோடி டாலராக இருக்கும் என, தெரிவித்திருந்தார். இந்நிலையில், மத்திய அரசு, மேற்கொண்டு வரும் பல்வேறு நடவடிக்கைகளால், நடப்பு கணக்கு பற்றாக்குறை, 6,000 கோடி டாலராக சரிவடையும் என, ர்பார்க்கப்படுகிறது.இது போன்ற காரணங்களால், அடுத்த இரண்டு ஆண்டுகளில், நாட்டின் பொருளாதார வளர்ச்சி, 8 சதவீதத்தை எட்டும் என்ற நம்பிக்கை ஏற்பட்டுள்ளது.இவ்வாறு மான்டேக் கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 13,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 13,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 13,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 13,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 13,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்