புதுடில்லி,: ஆன்-–லைன் திருமண சந்தையின் மதிப்பு, தற்போதைய, 520 கோடி ரூபாயில் இருந்து, வரும், 2017ம் ஆண்டில், 1,500 கோடி ரூபாயாக உயரும் என, ‘அசோசெம்’ அமைப்பு மதிப்பிட்டுள்ளது.
நடைமுறை: இதுகுறித்து, இந்த அமைப்பு வெளியிட்டுள்ள அறிக்கை விவரம்:ஆன்-லைன் திருமணசந்தையின் ஆண்டு சராசரி வளர்ச்சி, அடுத்த இரண்டு ஆண்டுகளில், 65 சதவீதமாக உயரும்.சுலபமான நடைமுறை, நேரம் மிச்சம், சிறந்த பயன் போன்ற காரணங்களால், ஆன்-–லைன் திருமண சந்தை, நன்குவளர்ச்சி கண்டு வருகிறது. கடந்த 2012–13ம் நிதியாண்டில், 5 – 5.5 கோடி பேர், தங்களை பற்றிய விவரங்களை, ஆன்-–லைன் திருமண வலைத்தளங்களில் பதிவு செய்துஉள்ளனர்.
மாதம், சராசரியாக, 25 லட்சம் பேர், தங்களுக்கு தகுந்த ஜோடியை தேர்வு செய்வதற்காக, திருமண இணையதளங்களில், விவரங்களை பதிவு செய்கின்றனர்.கடந்த, 2011 – 12 மற்றும் 2012 – 13ம் நிதியாண்டுகளில், வேலை வாய்ப்பு மற்றும் திருமண ஜோடி தொடர்பான, ஆன்-–லைன் விளம்பரங்கள், முறையே, 56 சதவீதம் மற்றும் 52 சதவீதம் வளர்ச்சி கண்டுள்ளன.
புதிய தலைமுறையினருக்கு, குறிப்பாக, வெளிநாடுகளில் வாழும் இந்தியர்கள், தங்கள் பிள்ளைகளுக்கு ஏற்ற இணையை தேடுவதற்கும், மணம் முடிப்பதற்கும் ஆன்-லைன் திருமண இணையதளங்கள் உதவுகின்றன. இதனால், லட்சக்கணக்கானவர்களின் விவரங்களை உள்ளடக்கியதாக, ஆன்-லைன் திருமண தகவல் இணையதளங்கள் விளங்குகின்றன.
வேலைவாய்ப்பு: கடந்த, 2012–13ம் நிதியாண்டில், 2.50 கோடி பேர், ஆன்-லைன் மூலம் வேலைவாய்ப்பு தளங்களில், தங்களை பற்றிய தகவல்களை பதிவு செய்து உள்ளனர். இது, வரும், 2016–17ம் நிதிஆண்டில், 5 கோடியாக உயரும்.ஆன்-லைன் மூலம் வேலைவாய்ப்பு தேடுவோரில், மகாராஷ்டிரா முதலிடத்தில் உள்ளது. அடுத்த இடங்களில், டில்லி, தமிழகம், கர்நாடகா, மேற்குவங்க மாநிலங்களை சேர்ந்தவர்கள் உள்ளனர்.
பயணம்: பயண டிக்கெட்டை, ஆன்-லைன் மூலம் பெறுவதும் அதிகரித்து வருகிறது. ரயில்வே பயணச் சீட்டை, ஆன்-லைனில் வாங்குவது, ஆண்டுக்கு, 25 சதவீதம் என்ற அளவில் வளர்ச்சி கண்டு வருகிறது.சென்ற ஜூன் மாத நிலவரப்படி, ஆன்-லைன் வாயிலாக, ரயில் பயணத்திற்கு விண்ணப்பித்தோரின் எண்ணிக்கை, 68.10 லட்சமாக உள்ளது. இது, சென்ற ஆண்டு, இதே மாதத்தில், 58.30 லட்சமாக இருந்தது. இவ்வாறு, அறிக்கையில் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 19,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 19,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 19,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 19,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 19,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்