புதுடில்லி;நடப்பு 2013–14ம் நிதியாண்டின் முதல் எட்டு மாத (ஏப்., – நவ.,) காலத்தில், 164 கோடி டாலர் (9,840 கோடி ரூபாய்) மதிப்பிற்கு யூரியா இறக்குமதி செய்யப்பட்டுள்ளது.கணக்கீட்டு காலத்தில், அளவின் அடிப்படையில், யூரியா இறக்குமதி, 57.50 லட்சம் டன்னாக உயர்ந்துள்ளது.
இது, கடந்த நிதியாண்டின் இதே காலத்தில், 54.10 லட்சம் டன்னாக இருந்தது.மதிப்பு:சென்ற 2012–13ம் நிதியாண்டில், 294 கோடி டாலர் மதிப்பிற்கு, 80.40 லட்சம் டன் யூரியா இறக்குமதி செய்யப்பட்டு உள்ளது.மதிப்பீட்டு காலத்தில், யூரியா விலை, சராசரியாக, டன்னுக்கு, 50 டாலர் குறைந்து உள்ளது. இதன் காரணமாகவே, யூரியா இறக்குமதி, மதிப்பின் அடிப்படையில் சரிவை கண்டுள்ளது என, இந்தியன் பொட்டாஷ் நிறுவனத்தின் தலைவர் பி.எஸ்.கெலாட் தெரிவித்தார்.
இந்தியாவில், யூரியா உரத்திற்கான தேவை, ஆண்டுக்கு, 3 கோடி டன் என்ற அளவில் உள்ளது. ஆனால், உள்நாட்டில், இதன் உற்பத்தி, 2.20 கோடி டன் என்ற அளவிற்கே உள்ளது.
பரப்பளவு:பருவ நிலை நன்கு இருந்ததையடுத்து, நடப்பு நிதியாண்டில், பயிரிடும் பரப்பளவு சிறப்பான அளவில் அதிகரித்துள்ளது. இதையடுத்து, யூரியாவின் இறக்குமதி அதிகரிக்கும் என, எதிர்பார்க்கப்படுவதாக, மத்திய உரத் துறையைச் சேர்ந்த உயரதிகாரி ஒருவர் தெரிவித்தார்.நடப்பு நிதியாண்டின் ஏப்ரல் முதல் நவம்பர் வரையிலான காலத்தில், பாஸ்பேட் மற்றும் பொட்டாஷ், டை அம்மோனியம் பாஸ்பேட் மற்றும் மியூரேட் ஆப் பொட்டாஷ் ஆகியவற்றின் இறக்குமதி, 40.10 லட்சம் டன்னை எட்டியுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 21,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 21,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 21,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 21,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 21,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்