பதிவு செய்த நாள்
04 ஜன2014
14:19
ஹோண்டா சிட்டி: ஹோண்டா இந்தியா நிறுவனம், 2014, ஜனவரி 7ம் தேதி, புதிய ஹோண்டா சிட்டி காரை அறிமுகப்படுத்துகிறது.
டாடா நேனோ ட்விஸ்ட்: ஜனவரி 2வது வாரம், டாடா நிறுவனம், டாடா நேனோ ட்விஸ்ட் மாடலை அறிமுகப்படுத்துகிறது. இந்த மாடலில் இசட்எப் எலக்ட்ரிக் பவர் ஸ்டியரிங் யூனிட் போடப்பட்டு வருகிறது.
டிவி.எஸ் ஸ்கூட்டி: இந்திய பெண்களின் மனம் கவர்ந்த, டிவிஸ் ஸ்கூட்டியின், புதிய மாடல், அழகிய பக்க வாட்டு கண்ணாடி, முன்புற டெலஸ்கோப்பிக், "போர்க் சஸ்பென்ஷன்' உடன் பின்புறம், அகலமான சீட், "ஷாக் அப்சர்பர்' கொண்டும், புதிய ஸ்கூட்டி வடிவமைக்கப்பட்டுள்ளது.
டேட்சன் கோ: நிசான் நிறுவனம், டேட்சன் பிராண்டை, மீண்டும் கொண்டு வந்துள்ளது. இரண்டு முன்புற சீட்களும், நடுவில், குஷன் இருக்கையும், சாய்ந்து கொள்ளும் வசதியுடன் கொடுக்கப்பட்டுள்ளது. இதன், 2 லிட்டர் பெட்ரோல் இன்ஜின் எரிபொருள் சிக்கனம் கொண்டதாகவும், பராமரிக்க எளிதானதாகவும் வடிவமைக்கப்பட்டுள்ளது.
ஹோண்டா ஜாஸ்: புதிய ஹோண்டா ஜாஸ், 1.5 லிட்டர் டீசல் இன்ஜின் மற்றும் 1.2 லிட்டர் ஐவி-டிஇஎல் பெட்ரோல் இன்ஜின் கொண்டு, இரண்டு இன்ஜின் தேர்வுகளில் வர உள்ளன. வெளிப்புற தோற்றம் மிகவும் கவர்ச்சியான வடிவமைப்பில், அதிக உட்புற இடவசதியும், பொருட்கள் வைக்க அதிக இடத்துடனும், புத்திசாலித்தனமாக வடிவமைக்கப்பட்டுள்ளது.
டாடா இண்டிகா விஸ்டா: டாடா இண்டிகா விஸ்டா பல புதிய மேம்பாடுகளுடன், முன்புறம் புதிய தோற்றத்துடனும், அதிக அம்சங்கள் கொண்ட உட்புற வடிவமைப்புடனும் வர உள்ளது.
ஜீப் ரேங்க்ளா: ஆல் வீல் டிரைவிற்கு உலகெங்கும் பெயர் பெற்ற பிராண்ட் ஜீப் ரேக்ளா பியட் நிறுவனம், இந்த சொசுகு காரை இந்திய வாகன சந்தைக்கு வரும் ஆண்டில் அறிமுகப்படுத்த உள்ளது.
ஆடி டிடி ரோட்ஸ்டர்: ஆடி, டிடி கூப்பேயை தொடர்ந்து, ஆடி, டிடி ரோட்ஸ்டர் அறிமுகமாக உள்ளது. "சாப்ட் டாப்' என்ற கூரையுடன் வரும், இந்த சொகுசு கார் தானியங்கியாகவும் சிறப்பாக இயங்குகிறது. வண்டி மணிக்கு, 50 கி.மீ., வேகத்தில் சென்று கொண்டிருந்தாலும், 12 நொடியில் முழுதாய் திறந்து கொள்ளும் வகையில், இதன் கூரை அமைக்கப்பட்டுள்ளது.
மேற்கண்ட வாகனங்களுடன் டாடா ஆரியா ஏடி, பியட் புலர்டோ, நிசான், ஜிடிஆர் ஸ்கோடா சூப்பர்ப், ஆடிஏ3, மாருதி செல்ரிட்டோ போன்றவையும், பிப்ரவரியில் அறிமுகப்படுத்தப்படும் என்று எதிர்பார்க்கப்படுகிறது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|