பதிவு செய்த நாள்
16 ஜன2014
15:18
ஹோண்டா கார்ஸ் இந்தியா லிமிடெட் நிறுவனம், நான்காவது தலைமுறை, ஹோண்டா சிட்டி காரை, சென்னையில் அறிமுகப்படுத்தியுள்ளது.ஹோண்டா சிட்டி, செடான் ரக கார் பிரிவில், தனக்கென பிரத்யேகமான இடத்தைப் பிடித்து, வாடிக்கையாளர்களின் நன்மதிப்பை பெற்றுள்ளது, அனைவரும் அறிந்ததே. தற்போது, இக்காரில் மேலும், ரசிக்கத் தகுந்த தோற்றம் தரும் வகையில், வெளிப்புற வடிவமைப்பு, எரிபொருள் சிக்கனம், அபார செயல் திறன்
மற்றும் சிறந்த பாதுகாப்பளிக்கும், பல நவீன தொழில் நுட்பங்கள் அறிமுகப்படுத்தப்பட்டு, மேம்படுத்தப்பட்டுள்ளது. வாடிக்கையாளர் எதிர்பார்ப்புக்கு ஏற்ப, பெட்ரோல்-டீசல் தேர்வுகளில், ஹோண்டா சிட்டி அறிமுகப்படுத்தப்பட்டுள்ளது, தனிச் சிறப்பு.
இதன் டீசல் மாடல், எர்த் டிரீம்' தொழில்நுட்பத்துடன், மாசுக் கட்டுப்பாட்டு விதிமுறையையும் பின்பற்றுகிறது. இதில் மேம்படுத்தப்பட்ட, 6 ஸ்பீட், மேனுவல் டிரான்ஸ்மிஷன்' வசதி, கியரை மாற்றும் பணியை, எளிதாக்குகிறது. மேலும், லிட்டருக்கு, 26 கி.மீ., மைலேஜை வழங்குவதாக கூறப்படுகிறது. மனிதர்களுக்கு அதிக இடம் இயந்திரத்திற்கு குறைந்த இடம் என்ற, ஹோண்டாவின் சித்தாந்தத்திற்கு ஏற்ப, பயணிகளுக்கு இதில், அதிக இடம் கொடுக்கப்பட்டுள்ளது. தலை இடிக்காமல், கால் முட்டிகள் இடிக்காத வண்ணம், தாராள இடவசதி அளிக்கப்பட்டுள்ளது.
புதிய சிட்டியில் பாதசாரிகளை பாதுகாக்கும் தொழில்நுட்பம், ஓட்டுனர் மற்றும் முன்புற பயணிகளை பாதுகாக்கும், "ஏர்பேக், ஏ.பி.எஸ்.,' மற்றும் "ஹெட் ரெஸ்ட்' என, பல பாதுகாப்பு அம்சங்கள் கொடுக்கப்பட்டுள்ளன. இதன், "டச் ஸ்கிரின்' மூலம் கட்டுப்படுத்தக்கூடிய, "ஏசி' மற்றும் 5 அங்குல திரை மற்றும் 8 ஸ்பீக்கர் கொண்ட இசைக் கருவி, ஒரே தொடுதல் மூலம், "ஸ்டார்ட், ஸ்டாப்' செய்யும் வசதி, "ஸ்டிரியரிங்'கில் கொடுக்கப்பட்டுள்ள, "பெடல் ஷிப்ட்' மற்றும், "ரிவர்ஸ் கேமரா, சன் ரூப்' போன்ற, பல சொகுசு அம்சங்களை கொண்டுள்ளது. ஹோண்டா சிட்டி, ஆறு அழகிய வண்ணங்களில், 2 ஆண்டு அல்லது, 40 ஆயிரம் கி.மீ., உத்தரவாதத்துடன் வந்துள்ளது. இதன் முன்பதிவு, நவம்பர், 2013ல் ஆரம்பமானது.பெட்ரோல் ரக மாடல் முன்பதிவு, பிப்ரவரி, 2014ல் தொடங்குகிறது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|