மும்பை: 'சென்ற, 2013ம் ஆண்டில், தங்கம் பயன்பாட்டில், முதன்முறையாக, இந்தியாவை விஞ்சி, சீனா சாதனை படைத்துள்ளது' என, உலக தங்க கவுன்சில் (டபிள்யூ.ஜி.சி.,) தெரிவித்துள்ளது.

மதிப்பீட்டு ஆண்டில், இந்தியாவில், தங்கத்திற்கான தேவை, 2012ம் ஆண்டை காட்டிலும், 13 சதவீதம் அதிகரித்து, 864 டன்னிலிருந்து, 975 டன்னாக உயர்ந்துள்ளது. அதேசமயம், சீனாவில், இதன் பயன்பாடு, 1,065.8 டன்னாக அதிகரித்துள்ளது. 2012ல், சீனாவில் ஒட்டு மொத்த தங்கத்திற்கான தேவை, 806.8 டன் என்ற அளவிலேயே இருந்தது. நாட்டின், நடப்பு கணக்கு பற்றாக்குறையை கட்டுப்படுத்தும் வகையில், மத்திய அரசும், ரிசர்வ் வங்கியும் பல்வேறு நடவடிக்கைகளை மேற்கொண்டன. இதன் ஒரு பகுதியாக, தங்கம் மற்றும் ஆபரணங்கள் இறக்குமதிக்கு, சுங்க வரி அதிகரிப்பு மற்றும் தங்க பதக்கங்கள் மற்றும் தங்க காசுகள் இறக்குமதிக்கு, கட்டுப்பாடுகள் விதிக்கப்பட்டன.

இந்நிலையிலும், 2012ம் ஆண்டுடன் ஒப்பிடும் போது, சென்ற ஆண்டில், உள்நாட்டில் தங்கம் பயன்பாடு, குறிப்பிடத்தக்க அளவிற்கு அதிகரித்துள்ளது. சென்ற, 2013ல், இந்தியாவில், ஒட்டுமொத்த ஆபரணங்களுக்கான தேவை, 11 சதவீதம் அதிகரித்து, 612.7 டன் என்ற அளவில் உள்ளது. இதன் மதிப்பு, 1,61,750 கோடி ரூபாயாகும். இது, கடந்த 2012ம் ஆண்டில் முறையே, 552 டன் மற்றும் 1,58,359 கோடி ரூபாயாக இருந்தது.

இது குறித்து, உலக தங்க கவுன்சில் இந்திய நிர்வாக இயக்குனர், சோமசுந்தரம் கூறியதாவது: தங்கத்தில் முதலீடு மேற்கொள்வதை, சீனா ஊக்குவித்து வருகிறது. அதே வேளையில், இந்தியா இதன் பயன்பாட்டை கட்டுக்குள் கொண்டு வரும் வகையில், நடவடிக்கை எடுத்து வருகிறது. எனவே, நடப்பாண்டிலும், இதே நிலை தான் தொடரும். நடப்பாண்டில், சீனாவில், தங்கம் பயன்பாடு, 1,000 - 1,100 டன் என்ற அளவிலும், இந்தியாவில் இதன் பயன்பாடு, 900 - 1,000 டன் என்ற அளவிலும் இருக்கும். இவ்வாறு, சோமசுந்தரம் கூறினார்.

மேலும் பொது செய்திகள்

சரிவைக் கண்ட எல்.ஐ.சி., பங்குகள்தள்ளுபடி விலையில் வர்த்தகம் பிப்ரவரி 19,2014

மும்பை, : எல்.ஐ.சி., நிறுவன பங்குகள், சந்தையில் நேற்று பட்டியலிடப்பட்ட நிலையில், அதன் விலை எதிர்பார்த்ததற்கு ... மேலும்

‘அதானி’ உடனான ஒப்பந்தத்துக்கு வரிப்பிடித்தம் இருக்காது: ஹோல்சிம் பிப்ரவரி 19,2014

புதுடில்லி : கவுதம் அதானி தலைமையிலான ‘அதானி’ குழுமத்துடன் போடப்பட்ட 49 ஆயிரத்து 129 கோடி ரூபாய் ஒப்பந்தத்துக்கு, ... மேலும்

பச்சை நிறத்துக்கு மாறியபங்குச் சந்தைகள் பிப்ரவரி 19,2014

மும்பை : பங்குச் சந்தைகள் நேற்று எதிர்பாராத அளவுக்கு ஏற்றத்தை கண்டன. மும்பை பங்குச் சந்தையின் குறியீடான ... மேலும்

மொத்தவிலை பணவீக்கம் 15.08 சதவீதமாக உயர்வு பிப்ரவரி 19,2014

புதுடில்லி : நாட்டின் மொத்தவிலை பணவீக்கம், கடந்த ஏப்ரலில், இதுவரை இல்லாத வகையில், 15.08 சதவீதமாக ... மேலும்

‘டுவிட்டர்’ ஒப்பந்தம்; தடை போட்ட மஸ்க் பிப்ரவரி 19,2014

லண்டன் : ‘டுவிட்டர்’ நிறுவனம், அதனிடம் 5 சதவீத அளவுக்கு மட்டுமே போலி மற்றும் ‘ஸ்பேம்’ கணக்குகள் இருப்பதற்கான ... மேலும்