புது­டில்லி:நடப்­பாண்டில், உள்­நாட்டில் தங்­கத்­திற்­கான தேவை உயர வாய்ப்­புள்­ளது என, உலக தங்க கவுன்­சிலின் மதிப்­பீட்டில் தெரி­விக்­கப்­பட்­டுள்­ளது.உள்­நாட்டில், தேவையை பூர்த்தி செய்யும் அள­விற்கு உற்­பத்தி இல்­லா­ததால், நம்­நாடு அதி­க­ளவில் தங்­கத்தை இறக்­கு­மதி செய்து கொள்ள வேண்­டிய கட்­டா­யத்தில் உள்­ளது.
ரிசர்வ் வங்­கி:குறிப்­பாக, உள்­நாட்டு தேவை மற்றும் ஏற்­று­ம­திக்­காக, தங்­கத்தை இறக்­கு­மதி செய்ய வேண்­டி­யுள்­ளது.அதே­ச­மயம், கச்சா எண்­ணெய்க்கு அடுத்­த­ப­டி­யாக, தங்கம் இறக்­கு­மதி செய்­யப்­ப­டு­வதால், அது நாட்டின் நடப்பு கணக்கு பற்­றாக்­கு­றையை அதி­க­ரிக்க செய்­கி­றது.இதன் கார­ண­மாக, மத்­திய அரசும், ரிசர்வ் வங்­கியும், தங்கம் இறக்­கு­மதி மீது பல்­வேறு கட்­டுப்­பா­டு­களை விதித்­தன.இந்­நி­லையில், நடப்­பாண்டில், தங்­கத்­திற்­கான தேவை, 1,000 டன்­னாக இருக்கும் என, எதிர்­பார்க்­கப்­ப­டு­கி­றது.
இது, கடந்த 2013ம் ஆண்டின் தேவை­யான, 975 டன்னை விட அதிகம் என, உலக தங்க கவுன்­சிலின் நிர்­வாக இயக்­குனர் (இந்­தியா) பீ.ஆர். சோம­சுந்­தரம் தெரி­வித்­துள்ளார்.அதே­ச­மயம், நடப்­பாண்டில் பருவ நிலை மாறு­பாட்டால், மழை பொழிவு வெகு­வாக குறையும் என, இந்­திய வானிலை ஆராய்ச்சி மையம் தெரி­வித்­துள்­ளது. இதனால், வேளாண் விளை­பொருள் உற்­பத்தி குறைந்து, பண­வீக்கம் அதி­க­ரிக்கும் என்ற கருத்தும் உள்­ளது.
வறட்­சி:இவை, தங்­கத்­திற்­கான தேவை வளர்ச்­சியை பாதிப்­புக்­குள்­ளாக்கும் என, கரு­தப்­ப­டு­கி­றது. ஏனெனில், கடந்த 2009ம் ஆண்டில் ஏற்­பட்ட வறட்­சியால், அவ்­வாண்டில் தங்­கத்­திற்­கான தேவை, முந்­தைய 2008ம் ஆண்டை விட (712 டன்), 32.6 சத­வீதம் சரி­வ­டைந்து, 480 டன்­னாக வீழ்ச்சி கண்­டது.சுங்­க­வ­ரி:அதற்கு அடுத்த, 2010ம் ஆண்டில், நாட்டில் தங்­கத்­திற்­கான தேவை, மிகவும் அதி­க­பட்­ச­மாக, 1,006 டன்­னாக அதி­க­ரித்­தது. அவ்­வாண்டை தொடர்ந்து, 2011ம் ஆண்டில், தங்­கத்­திற்­கான தேவை, 933 டன்­னா­கவும், 2012ம் ஆண்டில், 864 டன்­னா­கவும் இருந்­தது.
கடந்த 2013ம் ஆண்டில் மத்­திய அரசு, தங்கம் இறக்­கு­மதி மீதான சுங்­க­வ­ரியை, 3 முறை உயர்த்­தி­யது. இதை­ய­டுத்து, தங்கம் மீதான இறக்­கு­மதி வரி, 4 சத­வீ­தத்­தி­லி­ருந்து, 10 சத­வீ­த­மாக அதி­க­ரிக்­கப்­பட்­டது.மேலும், ரிசர்வ் வங்கி, தங்­கத்தை இறக்­கு­மதி செய்து கொள்ளும் நிறு­வ­னங்கள், 20 சத­வீத அள­விற்கு ஆப­ர­ணங்­க­ளாக ஏற்­று­மதி செய்ய வேண்டும் என்ற கட்­டுப்­பாட்டை அமல்­ப­டுத்­தி­யது.இதை­ய­டுத்து, தங்கம் இறக்­கு­ம­தியில், மாதத்­திற்கு, 10 டன் குறைந்து வந்­தது. இது, சாத­க­மான வர்த்­தக சூழல் கார­ண­மாக, கடந்த சில மாதங்­க­ளாக, தங்கம் இறக்­கு­மதி, மாதத்­திற்கு, 40–50 டன் என்ற அளவில் உயர்ந்து வரு­கி­றது.
கடந்த 2012–13ம் நிதி­யாண்டில், 8,820 கோடி டால­ராக இருந்த, நாட்டின் நடப்பு கணக்கு பற்­றாக்­குறை, சென்ற நிதி­யாண்டில், 3,200 கோடி டால­ராக குறைந்­துள்­ளது.நம்­பிக்கை:இதன் கார­ண­மாக, லோக்­சபா தேர்­த­லுக்கு பிறகு, மத்­தியில் ஆட்சி அமைக்கும் புதிய அரசு, தங்கம் மீதான கட்­டுப்­பா­டு­களை குறைக்கும் என்ற நம்­பிக்கை உள்­ளது.இதனால், தங்­கத்­திற்­கான தேவை அதி­க­ரிக்க வாய்ப்­புள்­ளது என, உலக தங்க கவுன்சில் தெரி­வித்­துள்­ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 07,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 07,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 07,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 07,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 07,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்