பதிவு செய்த நாள்
14 மே2014
00:32
ஆயுள் காப்பீடு புதிய பிரிமியம் வசூல் ரூ.1.20 லட்சம் கோடிபுதுடில்லி:சென்ற 2013 – 14ம் நிதிஆண்டில், ஆயுள் காப்பீட்டு நிறுவனங்களின் முதல் ஆண்டு புதிய பிரிமியம் வருவாய், 11.6 சதவீதம் வளர்ச்சி கண்டு, 1.20 லட்சம் கோடி ரூபாயாக அதிகரித்துள்ளது.எல்.ஐ.சி.,:இது, இதற்கு முந்தைய 2012 – 13ம் நிதியாண்டில், 1.07 லட்சம் கோடி ரூபாயாக இருந்தது.லைப் இன்சூரன்ஸ் கார்ப்பரேஷன் ஆப் இந்தியா (எல்.ஐ.சி.,) நிறுவனத்தின், முதலாண்டு பிரிமியம் வருவாய், மதிப்பீட்டு நிதிஆண்டில், 17.8 சதவீதம் அதிகரித்து, 90,123.75 கோடி ரூபாயாக வளர்ச்சி கண்டுள்ளது.அதே சமயம், தனியார் ஆயுள் காப்பீட்டு நிறுவனங்களின், முதலாண்டு புதிய பிரிமியம் வருவாய், 4 சதவீதம் சரிவடைந்து, 30,747.85 கோடியிலிருந்து, 29,517.38 கோடி ரூபாயாக குறைந்துள்ளது.எஸ்.பீ.ஐ., லைப் இன்சூரன்ஸ் நிறுவனத்தின் புதிய பிரிமியம் வருவாய், 2.2 சதவீதம் குறைந்து, 5,067.03 கோடி ரூபாயாக சரிவடைந்துள்ளது. இதே போன்று, எச்.டீ.எப்.சி., ஸ்டாண்டர்ட் நிறுவனத்தின் பிரிமியம் வருவாயும், 9 சதவீதம் குறைந்து, 4,037.18 கோடி ரூபாயாக சரிவடைந்துள்ளது.இருப்பினும், கனரா எச்.எஸ்.பீ.என்., ஓ.பீ.சி., லைப் நிறுவனத்தின் புதிய பிரிமியம் வருவாய், 0.1 சதவீதம் சரிவடைந்து, 605.89 கோடியாக குறைந்துள்ளது.ஐ.என்.ஜி.வைஸ்யா:ஐ.சி.ஐ.சி.ஐ., புருடென்ஷியல் நிறுவனத்தின் முதலாண்டு பிரிமியம் வருவாய், 21.8 சதவீதம் குறைந்து, 3,761.33 கோடியாகவும், ஐ.என்.ஜி.வைஸ்யாவின் பிரிமியம் வருவாய், 11.1 சதவீதம் குறைந்து, 567.88 கோடி ரூபாயாகவும் சரிவடைந்து உள்ளன.மதிப்பீட்டு நிதியாண்டில், பிர்லா சன்லைப் நிறுவனத்தின், புதிய பிரிமியம் வருவாய், 7.6 சதவீதம் சரிவடைந்து, 1,696.50 கோடி ரூபாயாக குறைந்து உள்ளது.அதேசமயம், ரிலையன்ஸ் லைப் நிறுவனத்தின் புதிய பிரிமியம் வருவாய், 40.5 சதவீதம் வளர்ச்சி கண்டு, 1,933.99 கோடி ரூபாயாக அதிகரித்து உள்ளது.இதே போன்று, பார்தி ஆக்ஸா லைப் நிறுவனத்தின் புதிய பிரிமியம் வருவாய், 50.9 சதவீதம் அதிகரித்து, 375.19 கோடி ரூபாயாக வளர்ச்சி கண்டுள்ளது என, காப்பீட்டு ஒழுங்குமுறை மற்றும் மேம்பாட்டு ஆணையத்தின் (இரிடா) புள்ளி விவரத்தில் தெரிவிக்கப்பட்டுள்ளது.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|