பதிவு செய்த நாள்
28 மே2014
01:02
மும்பை;நேற்று, அமெரிக்க டாலருக்கு எதிரான ரூபாய் மதிப்பு, 0.56 சதவீதம் சரிவடைந்தது. தொடர்ந்து, உயர்ந்து வந்த ரூபாய் மதிப்பு, கடந்த இரண்டு நாட்களாக சரிவை கண்டுள்ளது.நேற்று முன்தினம் ரூபாய் மதிப்பு, 58.72ஆக இருந்தது. இந்நிலையில், நேற்று, அன்னியச் செலாவணி வர்த்தகத்தின் துவக்கத்தில், ரூபாய் மதிப்பு, 58.80 ஆக காணப்பட்டது. இது, வர்த்தகத்தின் இடையே, 59.10 வரை சென்றது.வர்த்தகத்தின் இறுதியில், ரூபாய் மதிப்பு, 32 காசுகள் குறைந்து, 59.04ல் நிலை கொண்டது.பங்குச் சந்தையில் அன்னிய முதலீடு குறைந்துள்ளதால், டாலருக்கான தேவை அதிகரித்துள்ளது. இதனால், டாலருக்கு நிகரான ரூபாய் மதிப்பு குறைந்துள்ளது.எனினும், நடப்பாண்டு ஜனவரி முதல், அமெரிக்க டாலருக்கு எதிரான ரூபாய் மதிப்பு, 4.67 சதவீதம் உயர்ந்துள்ளது என்பது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|