புதுடில்லி :உற்பத்தி வரி குறைப்பு, முகவர்களின் கவர்ச்சிகரமான சலுகை திட்டங்கள் போன்றவற்றால், கடந்த மே மாதம், வாகன விற்பனை அதிகரித்துள்ளது.முடங்கி கிடந்த மோட்டார் வாகன துறையை சேர்ந்த, பல முன்னணி நிறுவனங்களின் வாகன விற்பனை, குறிப்பிடத்தக்க வகையில் உயர்ந்துள்ளது.மாருதி சுசூகி:இந்நிறுவனம் சென்ற மே மாதத்தில், 1,00,925 கார்களை விற்பனை செய்துள்ளது.
இது, கடந்தாண்டின் இதே மாதத்தில் மேற்கொள்ளப்பட்ட விற்பனையை (84,677 கார்கள்) விட, 19.2 சதவீதம் அதிகமாகும். இந்நிறுவனத்தின் உள்நாட்டு கார் விற்பனை, 16.4 சதவீதம் அதிகரித்து, 77,821லிருந்து, 90,560 ஆகவும், ஏற்றுமதி, 51.2 சதவீதம் வளர்ச்சி கண்டு, 6,856லிருந்து, 10,365 ஆகவும் அதிகரித்துள்ளது.போர்டு இந்தியாஇந்நிறுவனத்தின் கார் விற்பனை, இரண்டு மடங்கு வளர்ச்சி கண்டு, 12,288 (5,993 )ஆக அதிகரித்துள்ளது. இதன் கார் ஏற்றுமதி, 1,991லிருந்து, 6,235ஆக உயர்ந்துள்ளது.
ஹோண்டா மோட்டார்மதிப்பீட்டு மாதத்தில், இந்நிறுவனத்தின் வாகன விற்பனை, 55 சதவீதம் அதிகரித்து, 3,55,726 (2,29,143) ஆக உயர்ந்துள்ளது.ஹுண்டாய்இந்நிறுவனத்தின் கார் விற்பனை, 9 சதவீதம் சரிவடைந்து, 51,718 ஆக குறைந்துள்ளது. இது, கடந்தாண்டின் இதே மாதத்தில், 56,856 ஆக உயர்ந்து காணப்பட்டது.இதே காலத்தில், கார் ஏற்றுமதி, 37.3 சதவீதம் குறைந்து, 24,754லிருந்து, 15,513 ஆக சரிவடைந்துள்ளது.இதே காலத்தில், மகிந்திரா நிறுவனத்தின் வாகன விற்பனையும், 12.86 சதவீதம் குறைந்து, 43,460லிருந்து, 37,869 ஆக சரிவடைந்துஉள்ளது.
டாட்டா மோட்டார்ஸ் நிறுவனத்தின் ஒட்டு மொத்த வாகன விற்பனை, 24 சதவீதம் வீழ்ச்சி கண்டு, 49,304 என்ற எண்ணிக்கையிலிருந்து, 37,525 ஆக சரிவடைந்துள்ளது.டி.வி.எஸ்., மோட்டார்இந்நிறுவனத்தின் ஒட்டு மொத்த வாகன விற்பனை, 27.33 சதவீதம் வளர்ச்சி கண்டு, 1,65,151லிருந்து, 2,10,293 ஆக அதிகரித்துள்ளது.மூன்று சக்கர வாகன விற்பனை, 56 சதவீதம் உயர்ந்து, 5,805லிருந்து, 9,059 ஆக வளர்ச்சி கண்டுள்ளது.யமஹாயமஹா மோட்டார் இந்தியாவின், வாகன விற்பனை, 40.14 சதவீதம் அதிகரித்து, 34,021லிருந்து, 47,680 ஆக உயர்ந்துள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 03,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 03,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 03,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 03,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 03,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்