பதிவு செய்த நாள்
11 ஜூன்2014
16:50
புதுடில்லி : மே மாதத்தில், நாட்டின் ஏற்றுமதி 12.4 சதவீதம் அதிகரித்துள்ளது. ஒவ்வொரு மாதமும் நாட்டின் ஏற்றுமதி, இறக்குமதி தகவலை மத்திய அரசு வெளியிட்டு வருகிறது. அதன்படி நடப்பாண்டில், மே மாதத்திற்கான ஏற்றுமதி - இறக்குமதி வெளியாகியுள்ளது. இதில் நாட்டின் ஏற்றுமதி 12.4 சதவீதம் அதிகரித்து 28 பில்லியன் டாலராக உயர்ந்துள்ளது. இறக்குமதி 39.23 பில்லியன் டாலராக இருக்கிறது. இதன்மூலம் நாட்டின் வர்த்தக பற்றாக்குறை 11.23 பில்லியன் டாலராக உயர்ந்துள்ளது. அதேசமயம் கடந்தாண்டோடு ஒப்பிடுகையில் இது குறைந்துள்ளது. கடந்தாண்டு இதேகாலக்கட்டத்தில் வர்த்தக பற்றாக்குறை 19.37 பில்லியன் டாலராக இருந்துள்ளது. மேலும் தங்கம் இறக்குமதியும் கணிசமாக குறைந்துள்ளது. மே மாதத்தில் தங்கம் இறக்குமதி 72 சதவீதம் குறைந்து 2.19 பில்லியன் டாலராக இருக்கிறது. கடந்த ஆண்டு இது 7.7 பில்லியன் டாலராக இருந்தது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|