பதிவு செய்த நாள்
13 ஜூன்2014
01:32
வியட்னாம் மிளகு குறைந்த விலையில் கிடைப்பதால், அந்நாட்டில் இருந்து அதிக அளவில், மிளகு இறக்குமதி செய்யப்படுகிறது.நடப்பாண்டு, ஜன.,– ஏப்., வரையிலான நான்கு மாதங்களில், வியட்னாமில் இருந்து, 4,500 டன் மிளகு இறக்குமதி செய்யப்பட்டுள்ளது.
இந்தியாவின், ஒரு டன் 'அஸ்டா' ரக மிளகு விலை, 7.20 லட்சம் ரூபாயாக (12 ஆயிரம் டாலர்) உள்ளது. இதே ரகம், வியட்னாமில், 4.92 லட்சம் ரூபாய்க்கு (8,200 டாலர்) கிடைக்கிறது.இதன் காரணமாக, வியட்னாமில் இருந்து மிளகு இறக்குமதி செய்வது அதிகரித்துள்ளது. கடந்த சில ஆண்டுகளாகவே, இந்தியாவின் மிளகு இறக்குமதி அதிகரித்து வருகிறது.உள்நாட்டில், கடந்த ஓராண்டில், மிளகு விலை, இரு மடங்கு அதிகரித்துள்ளது.
மிளகு அதிகம் விளையும், கேரளா, கர்நாடகா ஆகிய மாநிலங்களில், பருவ நிலை மாற்றத்தால், அதன் உற்பத்தி குறைந்துள்ளது. இதனால், உள்நாட்டில் மிளகு விலை உயர்ந்துள்ளது.எனினும், கடந்த இரு வாரங்களில், ஒரு கிலோ மிளகு விலை, 735 ரூபாயில் இருந்து, 690 ரூபாயாக குறைந்துள்ளது.வட இந்திய நகரங்களில், இறக்குமதி செய்யப்பட்ட கரு மிளகு, தென்னிந்தியாவை விட, கிலோவுக்கு, 200 ரூபாய் குறைவாக கிடைக்கிறது.
நடப்பு 2014–15ம் நிதியாண்டில், மிளகு இறக்குமதி, 20ஆயிரம் டன்னை தாண்டும் என, மதிப்பிடப்பட்டுள்ளது.கடந்த 2013–14ம் நிதியாண்டில், 17,800 டன் மிளகு இறக்குமதி செய்யப்பட்டது. இது, முந்தைய, 2012–13ம் நிதியாண்டில், 15,600 டன்னாக இருந்தது.– பிசினஸ் ஸ்டாண்டர்ட் உடன் இணைந்து –
மேலும் பொது செய்திகள்
|
Advertisement
|
Advertisement
|
Advertisement
|
|
|
|