பதிவு செய்த நாள்
06 ஜூலை2014
00:37
இந்தியாவில், 4,000 சிறிய மற்றும் நடுத்தர வார்ப்பட தொழிற்சாலைகள் மூடப்படும் அபாயம் ஏற்பட்டுள்ளது. மூலப் பொருட்கள் விலை உயர்வால், வார்ப்படத் துறை கடுமையாக பாதிக்கப்பட்டுள்ளது. நுகர்வோர் சாதனங்களில், வார்ப்பட பொருட்கள் அதிகம் இடம் பெறுகின்றன.பணவீக்கம்:பணவீக்கம் காரணமாக, நுகர்வோர் சாதனங்களின் விற்பனை சரிவடைந்துள்ளதால், அவற்றை தயாரிக்கும் நிறுவனங்களுக்கு, வார்ப்பட பொருட் களுக்கான தேவை குறைந்துள்ளது.ஏற்கனவே, மூலப் பொருட்கள் விலை உயர்வை, வார்ப்பட பொருட்கள் மீது சுமத்த முடியாமல் வார்ப்பட நிறுவனங்கள் தவித்து வருகின்றன.
இந்நிலையில், வார்ப்படங்களுக்கான தேவையும் குறைந்துள்ளதால், வார்ப்பட நிறுவனங்கள் கடும் நெருக்கடிக்கு ஆளாகியுள்ளன. குறிப்பாக, சிறிய மற்றும் நடுத்தர வார்ப்பட நிறுவனங்கள், மேற்கொண்டு தொழிலை நடத்த முடியாத நிலைக்கு தள்ளப்பட்டுள்ளன. இந்திய வார்ப்பட துறையில், உலோகங்களை உருக்கி, ஆண்டுக்கு, 1 கோடி டன் வார்ப்பட பொருட்களை தயாரிக்கும் தொழிலில், 4,500 நிறுவனங்கள் ஈடுபட்டுள்ளன. அவற்றில், சிறிய மற்றும் நடுத்தர நிறுவனங்களின் எண்ணிக்கை, 85 சதவீதமாக உள்ளது. 10 சதவீத நிறுவனங்கள், உயர் நடுத்தர பிரிவிலும், எஞ்சியவை, பெரிய தொழிற்சாலைகள் என்ற பிரிவிலும் இடம் பெற்றுள்ளன.வாகனம்:மொத்த வார்ப்பட உற்பத்தி யில், சிறிய மற்றும் நடுத்தர நிறுவனங்களின் பங்களிப்பு, 15 சதவீதமாகவும், எஞ்சிய, 85 சதவீத பங்களிப்பை, உயர்நடுத்தரம் மற்றும் பெரிய தொழிற்சாலைகளும் வழங்கி வருகின்றன.கடந்த, 2013–14ம் நிதியாண்டில், வாகனம் மற்றும் பொறியியல் துறைகளின் மந்தநிலையால், வார்ப்பட பொருட்களுக்கான தேவை குறைந்து, இத்துறை கடுமையான பாதிப்பிற்கு ஆளானது.
இதுகுறித்து, இந்திய வார்ப்பட நிறுவனங்கள் மையத்தின் (ஐ.ஐ.எப்.,) இயக்குனர் ஏ.கே.ஆனந்த் கூறியதாவது:நுகர்வோர் சாதனங்கள் துறையின் தேவை குறைந்துள்ளதால், சிறிய மற்றும் நடுத்தர வார்ப்பட நிறுவனங்கள் கடும் நிதி நெருக்கடிக்கு ஆளாகிஉள்ளன. அவை, தொடர்ந்து செயல்பட, அரசின் ஆதரவை எதிர்பார்த்துள்ளன. இவ்வாறு அவர் கூறினார்.
அனுமதி:அடிப்படை கட்டமைப்பு துறையில், பல்வேறு திட்டங்களுக்கு அரசு அனுமதி தருவதில் காலதாமதம் ஏற்பட்டுள்ளது. இதனால், மின்சாரம், கட்டுமானம் உள்ளிட்ட பல்வேறு துறைகளின் பணிகள் பாதிக்கப்பட்டுள்ளன. இதன் தாக்கத்தால், தேவைப்பாடு குறைந்து, ஒட்டுமொத்த தயாரிப்பு துறையை மந்தநிலைக்கு தள்ளியுள்ளது.– பிசினஸ் ஸ்டாண்டர்ட் உடன் இணைந்து –
மேலும் பொது செய்திகள்
|
Advertisement
|
Advertisement
|
Advertisement
|
|
|
|