ஒப்­பந்­தப்­படி எரி­வாயு உற்­பத்தி மேற்­கொள்­ளா­ததால், ரிலையன்ஸ் இண்­டஸ்ட்ரீஸ் மற்றும் அதன் கூட்டு நிறு­வ­னங்­க­ளுக்கு, மத்­திய அரசு, மேலும், 57.90 கோடி டாலர் (3,474 கோடி ரூபாய்) அப­ராதம் விதித்­துள்­ளது.
இதன் மூலம், நடப்­பாண்டு மார்ச் இறுதி நில­வ­ரப்­படி, மேற்­கண்ட நிறு­வ­னங்­க­ளுக்கு மொத்தம், 238 கோடி டாலர் (14,280 கோடி ரூபாய்) அப­ராதம் விதிக்­கப்­பட்­டுள்­ளது என, பெட்­ரோ­லியத் துறை அமைச்சர் தர்­மேந்­திர பிரதான் லோக்­ச­பாவில் தெரி­வித்தார்.
இலக்கு: அவர் மேலும் கூறி­ய­தா­வது:ரிலையன்ஸ் இண்­டஸ்ட்ரீஸ் மற்றும் அதன் கூட்டு நிறு­வ­னங்­க­ளான பிரிட்டிஷ் பெட்­ரோ­லியம் மற்றும் நிக்கோ ரிசோர்சஸ் ஆகி­யவை, கிழக்கு கோதா­வரி படு­கையில்,'கேஜி–டீ6' தொகுப்பில்,ஒப்­பந்­தப்­படி, இயற்கை எரி­வாயு உற்­பத்­திக்­கான இலக்கை எட்ட தவறி விட்­டன.
கடந்த 2011–12ம் நிதி­யாண்டில், இந்­நி­று­வ­னங்கள், தினமும் 6.18 கோடி கன மீட்டர் இயற்கை எரி­வாயு உற்­பத்தி மேற்­கொள்ள வேண்டும் என, ஒப்­பந்தம் செய்து கொள்­ளப்­பட்­டது. ஆனால், 3.53 கோடி கன மீட்டர் என்ற அள­விற்கே எரி­வாயு உற்­பத்தி மேற்­கொள்­ளப்­பட்­டது. அது போன்று, 2012–13, 2013–14ம் நிதி­யாண்­டு­க­ளுக்கு, நிர்­ண­யிக்­கப்­பட்ட தலா, 8 கோடி கன மீட்டர் இயற்கை எரி­வாயு உற்­பத்தி இலக்­கையும், இந்­நி­று­வ­னங்கள் எட்­ட­வில்லை.
அந்த இரண்டு நிதி­யாண்­டு­களில், இயற்கை எரி­வாயு உற்­பத்தி, முறையே, 2.08 கோடி கன மீட்டர் மற்றும் 97.70 லட்சம் கன மீட்டர் என்ற அள­விற்கே இருந்­தது. நடப்பு 2014–15ம் நிதி­யாண் டில், சென்ற ஜூன் நில­வ­ரப்­படி, இயற்கை எரி­வாயு உற்­பத்தி, தினமும், 80 லட்சம் கன மீட்டர் என்ற அள­விற்கேஉள்­ளது.
அதனால், மேற்­கண்ட நிறு­வ­னங்­க­ளுக்கு, கடந்த 2013–14ம் நிதி­யாண்­டிற்கு, 57.90 கோடி டாலர் அப­ராதம் விதிக்­கப்­பட்­டுள்­ளது. முந்­தைய நிதி­யாண்­டு­க­ளுக்கு இதே போன்று விதிக்­கப்­பட்ட அப­ரா­தத்­தையும் சேர்த்து, அந்­நி­று­வ­னங்­க­ளிடம் மொத்தம் 238 கோடி டாலர் அப­ராதம் வசூ­லிக்க வேண்டும்.
இதை­ய­டுத்து, ரிலையன்ஸ் இண்­டஸ்ட்ரீஸ் நிறு­வ­னத்தின் 'கேஜி–டீ6' தொகுப்பில் இருந்து, இயற்கை எரி­வாயு, கச்சா எண்ணெய் ஆகி­ய­வற்றை வாங்­கி­ய­தற்­காக தர வேண்­டிய தொகை யில், 11.50 கோடி டாலரை பிடித்தம் செய்து, அரசு கரு­வூல கணக்கில் வரவு வைக்­கு­மாறு, பொதுத் துறையை சேர்ந்த சென்னை பெட்­ரோ­லியம் கார்ப்­ப­ரேஷன் மற்றும் கெயில் நிறு­வ­னங்­க­ளுக்கு உத்­த­ர­வி­டப்­பட்­டுள்­ளது.ரிலையன்ஸ் மற்றும் அதன் கூட்டு நிறு­வ­னங்கள், தினமும், அதி­க­பட்­ச­மாக, 8 கோடி கன மீட்டர் இயற்கை எரி­வாயு உற்­பத்தி மேற்­கொள்வ­தற்­கான வச­தி­களை, 'கேஜி–டீ6' தொகுப்பில் ஏற்­ப­டுத்தி உள்­ளன.
முறையீடு: ஆனால், துரப்­பண பணிகள் மற்றும் தேவை­யான கிண­றுகள் அமைத்தல் ஆகி­யவை சார்ந்த திட்ட மேம்­பாட்டு செயல்­பா­டு­களை, ஒப்­பந்­தப்­படி செய்­ய­வில்லை. இதை தொடர்ந்து, இயற்கை எரி­வாயு உற்­பத்­தி­யிலும், இலக்கை எட்ட தவறி விட்­டன. இவ்­வாறு அமைச்சர் தெரி­வித்தார்.
இத­னி­டையே, மத்­திய அரசின் நட­வ­டிக்­கைக்கு எதிர்ப்பு தெரி­வித்து, ரிலையன்ஸ் இண்­டஸ்ட்ரீஸ் மற்றும் அதன் கூட்டு நிறு­வ­னங்கள், குறை­தீர்ப்­பா­யத்­திடம் முறை­யீடு செய்­துள்­ளன. அதில், புவி­யியல் பிரச்­னைகள் கார­ண­மா­கவே, இயற்கை எரி­வாயு உற்­பத்தி குறைந்­துள்­ள­தாக அவை, தெரி­வித்­துள்­ளன.
லாபத்தில் பங்கு:ரிலையன்ஸ் மற்றும் அதன் இரு கூட்டு நிறு­வ­னங்கள், மத்­திய அர­சுடன் இயற்கை எரி­வாயு உற்­பத்தி சார்ந்த லாப பங்­கீட்டு ஒப்­பந்தம் செய்து கொண்­டுள்­ளன. இதன்­படி மொத்த எரி­வாயு விற்­ப­னையில், உற்­பத்தி சார்ந்த செல­வுகள் போக, கிடைக்கும் லாபத்தை அந்­நி­று­வ­னங்கள், அர­சுடன் பகிர்ந்து கொள்­கின்­றன
.–பிசினஸ் ஸ்டாண்டர்ட் உடன் இணைந்து–

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 15,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 15,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 15,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 15,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 15,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்