புதுடில்லி: தேவை அதிகரித்து வருவதால், நடப்பு 2014–15ம் நிதியாண்டில், மோட்டார் வாகன விற்பனை, 5–10 சதவீதம் வளர்ச்சி காணும் என, இந்திய மோட்டார் வாகன தயாரிப்பாளர்கள் சங்கம் (சியாம்) தெரிவித்துள்ளது.சூடுபிடிப்பு:கடந்த மூன்று மாதங்களாக, உள்நாட்டில், வாகனங்களுக்கான தேவை சூடுபிடிக்க துவங்கியுள்ளது.இதற்கு எடுத்துக்காட்டாக, சென்ற ஜூலை மாதத்தில், ஒட்டு மொத்த வாகன விற்பனை, 12 சதவீதம் வளர்ச்சி கண்டு, 15,86,123ஆக அதிகரித்துள்ளது. இது, கடந்தாண்டின் இதே மாதத்தில், 14,16,182ஆக இருந்தது.இதில், கார் விற்பனை 5.04 சதவீதம் வளர்ச்சி கண்டு, 1,37,873 ஆக உயர்ந்துள்ளது. இது, கடந்தாண்டின் இதே மாதத்தில், 1,31,257ஆக இருந்தது.
இதே போன்று, இருசக்கர வாகன விற்பனையும், 13.73 சதவீதம் உயர்ந்து, 11,32,066 என்ற எண்ணிக்கையிலிருந்து, 12,87,462ஆக வளர்ச்சி கண்டுள்ளது.புதிய மாடல்:இதுகுறித்து, சியாம் அமைப்பின் இயக்குனர் (பொது) விஷ்ணு மாத்துார் கூறியதாவது:மோட்டார் வாகனத் துறை மந்தகதியில் இருந்து மீண்டு வருகிறது. பொதுமக்கள் வாகன விற்பனை மையங்களுக்கு படையெடுக்க துவங்கிஉள்ளனர். பொருளாதாரம் விறுவிறுப்படையும் நிலையில், வரும் மாதங்களில், வாகன விற்பனை குறிப்பிடத்தக்க அளவிற்கு வளர்ச்சி காணும்.பண்டிகை காலத்தை முன்னிட்டு, பல்வேறு புதிய மாடல்களில் வாகனங்கள் சந்தையில் அறிமுகமாக உள்ளன. இதையடுத்து, நடப்பாண்டில், வாகன விற்பனை ஒற்றை இலக்க அளவிற்காவது வளர்ச்சி காணும் என்ற நம்பிக்கை உள்ளது.இவ்வாறு அவர் கூறினார்.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 09,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 09,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 09,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 09,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 09,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்