புதுடில்லி : சில உணவு பொருட்கள், காய்கறிகள், பருப்பு வகைகளின் விலை குறைந்ததை அடுத்து கடந்த 5 மாதங்களில் இல்லாத அளவிற்கு ஜூலை மாதத்தில் நாட்டின் மொத்த பணவீக்கம் 5.19 சதவீதமாக குறைந்துள்ளது. பணவீக்கம் ஜூன் மாதத்தில் 5.43 சதவீதமாகவும், கடந்த ஆண்டு ஜூலை மாதத்தில் 5.84 சதவீதமாகவும் இருந்தது.
மொத்தமாக உணவு பொருட்களின் விலை 14 சதவீதம் உயர்ந்திருந்தாலும், காய்கறிகளின் அடிப்படையில் பணவீக்கம் 1.27 சதவீதம் குறைந்துள்ளது. இதன் காரணமாக நாட்டின் மொத்த பணவீக்கத்தில் சரிவு ஏற்பட்டுள்ளது. ஜூலை மாதத்தில் உருளைக்கிழங்கின் விலை 46.41 சதவீதமும், பழங்களின் விலை 31.71 சதவீதமும் அதிகரித்துள்ளது. பால் விலையும் 10.46 சதவீதம் உயர்ந்துள்ளது.
முட்டை, மாமிசம் மற்றும் மீன் உணவுகளின் அடிப்படையில் ஜூலை மாதத்தில் பணவீக்கம் 2.71 சதவீதம் அதிகரித்துள்ளது. தானியங்களின் விலை 3.31 சதவீதமும், பருப்பு வகைகளின் விலை 4.46 சதவீதமும், அரிசி விலை 6.85 சதவீதமும், கோதுமை விலை 1.02 சதவீதமும் உயர்வடைந்துள்ளது. உற்பத்தி பொருட்களின் பணவீக்கம் 3.67 சதவீதமாகவும், எண்ணெய் வித்துக்கள் போன்ற உணவுப் பொருட்கள் அல்லாத பொருட்களின் பணவீக்கம் 3.32 சதவீதமாக உள்ளது.
அதே சமயம் எரிவாயு பொருட்கள், மின்துறை பொருட்களின் பணவீக்கம் கடந்த மாதத்தை விட 7.40 சதவீதம் உயர்ந்துள்ளது. கடந்த சில நாட்களுக்கு முன் வெளியிடப்பட்ட ஜூலை மாத சில்லரை பணவீக்கம் 7.96 சதவீதம் அதிகரித்துள்ளது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 14,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 14,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 14,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 14,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 14,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்