மும்பை: நடப்பு, 2014 – 15ம் நிதியாண்டில், நாட்டின் ஏற்றுமதி, நிர்ணயிக்கப்பட்ட இலக்கான, 35 ஆயிரம் கோடி டாலரை தாண்டும் என, ஏற்றுமதி நிறுவனங்களின் கூட்டமைப்பு தலைவர், ரபீக் அகமது தெரிவித்தார்.கடந்த மே மற்றும் ஜூன் மாதங்களில், ஏற்றுமதி முறையே, 12.4 சதவீதம் மற்றும் 10.22 சதவீதம் அதிகரித்திருந்தது. இந்நிலையில் சென்ற ஜூலையிலும், நாட்டின் ஏற்றுமதி இரட்டை இலக்க வளர்ச்சி காணும் என்று எதிர்பார்க்கப்பட்டது. ஆனால், ஏற்றுமதி, 7 சதவீதம் மட்டுமே உயர்ந்து, 2,772 கோடி டாலராக இருந்தது.இதற்கு, நவரத்தினங்கள், ஆபரணங்கள், ஜவுளி, மின்னணு பொருட்கள் ஆகியவற்றின் ஏற்றுமதி குறிப்பிடத்தக்க அளவிற்கு குறைந்து போனதே முக்கிய காரணமாகும்.
எனினும், அம்மாதத்தில், மருந்து, ஆயத்தஆடைகள், தோல் பொருட்கள், கடல் உணவுப் பொருட்கள் இயந்திரங்கள் உள்ளிட்டவற்றின் ஏற்றுமதி சிறப்பான அளவில் இருந்தது.சர்வதேச அளவில் பொருளாதாரம் மேம்பட்டு வருகிறது. ஐரோப்பா மற்றும் அமெரிக்கா நாடுகளிலும் தேவைப்பாடு அதிகரித்து வருகிறது. இதுபோன்ற காரணங்களால், வரும் மாதங்களில், ஏற்றுமதி சிறப்பான அளவில் அதிகரித்து, நிர்ணயிக்கப்பட்ட இலக்கை தாண்டும் என, ரபீக் மேலும் கூறினார்.நடப்பு நிதியாண்டின் ஏப்ரல் முதல் ஜூலை வரையிலான முதல் நான்கு மாதங்களில், நாட்டின் ஏற்றுமதி, 8.62 சதவீதம் அதிகரித்து, 10,780 கோடி டாலராக உள்ளது என்பது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 25,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 25,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 25,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 25,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 25,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்