புதுடில்லி: மந்த நிலையிலிருந்து மீண்டு வருவதை எடுத்துக்காட்டும் வகையில், நாட்டின் பொருளாதார வளர்ச்சி, ஏப்ரல் முதல், ஜூன் வரையிலான முதல் காலாண்டில், 5.7 சதவீதமாக அதிகரித்துள்ளது. இது, கடந்த இரண்டரை ஆண்டுகளில் காணப்படாத அதிகபட்ச அளவாகும்.
கடந்த நிதியாண்டின் இதே காலாண்டில், பொருளாதார வளர்ச்சி, 4.7 சதவீதமாக இருந்தது என, மத்திய புள்ளியியல் அலுவலகம் (சி.எஸ்.ஓ.,) வெளியிட்டுள்ள புள்ளிவிவரத்தில் தெரிவிக்கப்பட்டுள்ளது. மதிப்பீட்டு காலாண்டில், சுரங்கம், தயாரிப்பு மற்றும் சேவை ஆகிய துறைகள் வளர்ச்சிப் பாதைக்கு திரும்பியுள்ளன.குறிப்பாக, தயாரிப்பு துறையின் உற்பத்தி, 3.5 சதவீதம் வளர்ச்சி கண்டுள்ளது. இது, கடந்த 2013 - 14ம் நிதியாண்டின் முதல் காலாண்டில், 1.2 சதவீதம் என்ற அளவில் பின்னடைவை கண்டிருந்தது.
இதே போன்று, சுரங்க துறை உற்பத்தியும், 2.1 சதவீதம் வளர்ச்சி கண்டுள்ளது. இத்துறையின் உற்பத்தி, கடந்த நிதியாண்டின் இதே காலாண்டில், 3.9 சதவீதம் சரிவடைந்திருந்தது. கணக்கீட்டு காலாண்டில், அதிகபட்சமாக நிதி சேவைகள் துறை, 10.4 சதவீதம் வளர்ச்சி கண்டுள்ளது. இதையடுத்து, மின்சாரம், எரிவாயு துறைகள் உற்பத்தி தலா, 10.2 சதவீதமும், கட்டுமான துறை, 4.8 சதவீதமும், ஓட்டல், போக்குவரத்து மற்றும் தகவல் தொடர்பு துறை, 2.8 சதவீதமும் வளர்ச்சி கண்டுள்ளன. அதேசமயம், வேளாண் துறை உற்பத்தி வளர்ச்சி, 4 சதவீதத்திலிருந்து, 3.8 சதவீதமாகக் குறைந்துள்ளது என, சி.எஸ்.ஓ., புள்ளிவிவரத்தில் மேலும் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 30,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 30,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 30,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 30,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 30,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்