மும்பை : இந்திய பங்குசந்தைகள் தொடர்ந்து உயர்ந்து வந்த வேளையில் சென்செக்ஸ் இன்று புதிய உச்சத்தை எட்டியது. இன்றைய வர்த்தகநேர துவக்கத்தில், சென்செக்ஸ் குறியீட்டு எண் 48.27 புள்ளிகள் உயர்ந்து 27,146.44 புள்ளிகளிலும், தேசிய பங்குசந்தையான நிப்டி 12.10 புள்ளிகள் உயர்ந்து 8,102.55 புள்ளிகளிலும் வர்த்தகமாகின. இந்நிலையில் முக்கிய நிறுவன பங்குகள் ஏற்றம் கண்டதால் தொடர்ந்து உயர்ந்து வந்த பங்குசந்தைகள் மதியம் 1மணியளவில் புதிய உச்சத்தை தொட்டன. வர்த்தகநேர முடிவின் போது சென்செக்ஸ் 248.16 புள்ளிகள் உயர்ந்து 27,346.33 எனும் புதிய உச்சத்தை தொட்டது. நிப்டி 78.75 புள்ளிகள் உயர்ந்து 8,169.20 புள்ளிகளுடன் முடிந்தது. 

இன்றைய வர்த்தகத்தில் 1569 நிறுவன பங்குகள் உயர்ந்தும், 1354 நிறுவன பங்குகள் சரிந்தும், 120 நிறுவன பங்குகள் மாற்றமின்றியும் முடிந்தன. குறிப்பாக ரிலையன்ஸ் 3 சதவீதமும், டிசிஎஸ்., ஹிண்டால்கோ, இன்போசிஸ், ஸ்டெர்லைட், மஹிந்திரா அண்ட் மஹிந்திரா சிப்லா, டாடா பவர், ஹீரோ உள்ளிட்ட நிறுவன பங்குகள் அதிக ஏற்றம் கண்டன.