மும்பை : இந்திய பங்குசந்தைகளில் அதிரடி ஏற்றம் காணப்படுகின்றன. இன்றைய வர்த்தகநேர துவக்கத்தில் சென்செக்ஸ் 600 புள்ளிகள் உயர்ந்திருந்த நிலையில் மதியத்திற்கு மேல் பங்குசந்தைகளில் மேலும் அதிரடி கண்டன. மதியம் 3மணியளவில் சென்செக்ஸ் 800 புள்ளிகள் உயர்ந்தது. இறுதியில், வர்த்தகநேர முடிவில் சென்செக்ஸ் 728.73 புள்ளிகள் உயர்ந்து 28,075.55 புள்ளிகளிலும், நிப்டி 216.60 புள்ளிகள் உயர்ந்து 8,494.15 புள்ளிகளிலும் முடிந்தன. இதன்மூலம் சென்செக்ஸ் மீண்டும் 28 ஆயிரம் புள்ளிகளை கடந்தது. நிப்டியும் வர்த்தகநேரத்தில் 8500 புள்ளிகளை கடந்தது.

சர்வதேச சந்தைகளில் கச்சா எண்ணெய் விலை சரிவு, ரிசர்வ் வங்கி ரெப்போ வட்டி விகிதத்தை 0.25 சதவீதம் குறைத்தது, ரூபாயின் மதிப்பு வெகுவாக உயர்ந்தது போன்ற காரணங்களால் பங்குசந்தைகள் அதிக ஏற்றத்துடன் காணப்பட்டன.