பதிவு செய்த நாள்
26 பிப்2015
10:51
புதிதாக கார் வாங்குபவர்கள், பார்த்து பார்த்து தான் காரை ஒட்டுவார்கள். சிறியதாக கீறல் விழுந்து விட்டால் கூட, கவலை அடைவார்கள். சில நேரங்களில், புதிய காரில், பெரிய அளவில் பழுது ஏற்பட்டு விடும். அதை சரி செய்ய, அதிக செலவு செய்ய வேண்டி இருக்கும்.இதை கருத்தில் கொண்டு தான், பல்வேறு கார் நிறுவனங்கள், தங்களின் டீலர்கள் மூலமாக, வாரன்டி என்ற பெயரில் ஒரு சலுகையை அளிக்கின்றன. காரின் உதிரி பாகங்கள் மற்றும் எலக்ட்ரிக்கல் பாகங்களில், பழுது ஏற்பட்டதால், அதை இலவசமாக சரி செய்து கொடுப்பர்.
* குறைந்தது இரண்டு ஆண்டுகள் அல்லது குறிப்பிட்ட கி.மீ., இயக்கம் வரை, இந்த சலுகை அளிக்கப்படும்.
* தேவைப்பட்டால், குறைந்த கட்டணத்தில், வாரன்டி காலத்தை நீட்டிப்பு செய்து கொள்ளலாம்.
* அங்கீகாரம் பெறாத டீலர்களிடம், காரை பழுது பார்த்தால், வாரன்டி சலுகை கிடைக்காது.
கார் நிறுவனங்கள் தரும் வாரன்டி சலுகை
ஹோண்டா இந்தியா: இந்த நிறுவனம், இரண்டு ஆண்டு அல்லது, 40,000 கி.மீ., இரண்டில் எது முதலில் வருகிறதோ அது வரை, வாரன்டி சலுகை அளிக்கிறது. குறைந்த கட்டணம் செலுத்தி, வாரன்டி காலத்தை குறிப்பிட்ட காலத்திற்கு நீட்டித்துக் கொள்ளலாம்.
போர்டு இந்தியா: இந்த நிறுவனம், இரண்டு ஆண்டுகள் அல்லது, ஒரு லட்சம் கி.மீ., என்ற வகையில், வாரன்டி சலுகை அளிக்கிறது. குறைந்த கட்டணம் செலுத்தி, இதை நீட்டிப்பு செய்யலாம்.
நிசான்: இந்த நிறுவனம், இரண்டு ஆண்டுகள் அல்லது, 50,000 கி.மீ., என வாரன்டி சலுகை அளிக்கிறது. குறைந்த கட்டணம் செலுத்தி, மேலும், இரண்டு ஆண்டுகள் அல்லது, 80,000 கி.மீ., என நீட்டிப்பு செய்து கொள்ளலாம்.
மாருதி சுசூகி: இந்த நிறுவனம், இரண்டு ஆண்டுகள் அல்லது, 40,000 கி.மீ., என வாரன்டி சலுகை அளிக்கிறது. நீட்டிப்பு காலத்தை, ‘கோல்டு, பிளாட்டினம்’ என, இரண்டு பிரிவுகளில் அளிக்கிறது. கோல்டு பிரிவில், 3 ஆண்டுகள் அல்லது, 60,000 கி.மீ., – பிளாட்டினம் பிரிவில், நான்கு ஆண்டுகள் அல்லது, 80,000 கி.மீ., என வாரன்டி சலுகை, குறைந்த கட்டணத்தில், நீட்டிப்பு செய்யப்படுகிறது.
ஹுண்டாய்: இந்த நிறுவனம், ‘இயான், சான்ட்ரோ, ஐ10, ஐ20, எலைட் ஐ20, எக்சென்ட், ஆக்சென்ட் மற்றும் வெர்னா’ மாடல் கார்களுக்கு, கி.மீ., கட்டுபாடு இல்லாமல், இரண்டு ஆண்டுகளுக்கு, வாரன்டி சலுகை அளிக்கிறது. ‘எலன்ட்ரா, சான்டா பீ’ மாடல் கார்களுக்கு, மூன்று ஆண்டுகள் அல்லது, 1,00,000 கி.மீ., – ‘சொனட்டா’ மாடல் காருக்கு, நான்கு ஆண்டுகள் அல்லது, 1,00,000 கி.மீ., என வாரன்டி சலுகை அளிக்கிறது.
செவர்லே: இந்த மாடல் காருக்கு, மூன்று ஆண்டு அல்லது, 1,00,000 கி.மீ., வாரன்டி சலுகை அளிக்கப்படுகிறது.
வோக்ஸ்வாகன்: இந்த நிறுவனம், கி.மீ., கட்டுப்பாடு இல்லாமல், இரண்டு ஆண்டு வாரன்டி சலுகை அளிக்கிறது. இத்துடன், கார் பெயின்ட் பிரச்னைக்கு, மூன்று ஆண்டு வாரன்டி சலுகையை கூடுதலாகவும் அளிக்கிறது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|