பதிவு செய்த நாள்
14 மார்2015
12:14
புதுடில்லி: இங்கிலாந்தை சேர்ந்த கெய்ர்ன் எனர்ஜி நிறுவனம், அதன் துணை நிறுவனங்களான, கெய்ர்ன் யு.கே., ஹோல்டிங்ஸ், கெய்ர்ன் இந்தியா ஹோல்டிங்ஸ் நிறுவனங்களின் சொத்துகளை, கடந்த 2006 - 07ம் நிதியாண்டில், கெய்ர்ன் இந்தியா நிறுவனத்திற்கு மாற்றியது. கெய்ர்ன் இந்தியா நிறுவனம், புதிய பங்கு வெளியீட்டை மேற்கொள்வதற்காக, மேற்படி கெய்ர்ன் குழும நிறுவனங்களின், பங்குகள் மற்றும் சொத்து பரிமாற்றம் நடைபெற்றது.
இந்த வகையில், குறிப்பிட்ட நிதியாண்டில், கெய்ர்ன் எனர்ஜி நிறுவனத்திற்கு, 24,500 கோடி ரூபாய் மூலதன ஆதாயம் கிடைத்துள்ளது. ஆனால், அதற்கான வரியை பிடித்தம் செய்ய, கெய்ர்ன் இந்தியா நிறுவனம் தவறி விட்டதாக, வருமானவரித் துறை தெரிவித்துள்ளது. இதையடுத்து, மூலதன ஆதாய வரியாக, 10,248 கோடி ரூபாயும், அதற்கு வட்டியாக, 10,247 கோடி ரூபாயும், ஆக, 20,495 கோடி ரூபாய் செலுத்த வேண்டும் என, கெய்ர்ன் இந்தியாவிற்கு 'நோட்டீஸ்' அனுப்பப்பட்டு உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|