பதிவு செய்த நாள்
25 ஆக2015
14:49
பழமை கலந்த மிடுக்குடன், ‘ராயல் என்பீல்ட்’ பைக்குகள், சாலையில் கம்பீரமாக வலம் வருவதை அறிவோம். ஆனால், விரைவில் அறிமுகமாக உள்ள, அதன், ‘ஹிமாலயர் அட்வெஞ்சர் டூரர்’ பைக், ஸ்போர்ட்ஸ் சூப்பர் பைக் போல் உருவாகி வருவதை, இத்துறையை உன்னிப்பாக கவனித்து வரும் வல்லுனர்கள், மோப்பம் பிடித்து, அது, எப்படி காட்சியளிக்கும் என்பதை பற்றிய, உத்தேச படத்தையும் வெளியிட்டுள்ளனர்.ராயல் என்பீல்ட் நிறுவனத்திடம் இருந்து, தற்காலத்துக்கு ஏற்ற பைக், சந்தைக்கு அறிமுகம் ஆக இருப்பது, பைக் ஆர்வலர்களிடம் எதிர்பார்ப்பை ஏற்படுத்தி உள்ளது. பெட்ரோல் டேங்க் பக்கவாட்டில், மெட்டல் பார்கள் இழையோடுகின்றன. அவற்றிலேயே, வித்தியாசமாக, இன்டிகேட்டர்களும் பொருத்தப்பட்டுள்ளன.அதுபோல், ‘மட்கார்டு’ம், ஸ்போர்ட்ஸ் பைக் போல், டயருக்கு, பெரும் இடைவெளி விட்டு அமைக்கப்பட்டு உள்ளது. இதில், முதல் முறையாக, ‘மோனோஷாக் ரியர் சஸ்பென்ஷன்’ நுட்பத்தை என்பீல்ட் பயன்படுத்துகிறது. இதில், சிங்கிள் சிலிண்டர், 400 சி.சி., இன்ஜின், பொருத்தப்படலாம். பொருட்களை வைக்கும், ‘கிளஸ்டர்’ சிறியதாக, நேர்த்தியாக வடிவமைக்கப்பட்டுள்ளது. மொத்தத்தில், இந்த பைக்கை நம்பி தைரியமாக மலையேறலாம்.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|