பதிவு செய்த நாள்
25 ஆக2015
14:50
குறைந்த மற்றும் நடுத்தர விலை பைக்குகளை அதிக அளவிலும், ‘அப்பாச்சி’ போன்ற, சற்று விலை அதிகமான பைக்கையும் தயாரித்து வரும், டி.வி.எஸ்., மோட்டார்ஸ் இந்தியா நிறுவனம், தன் அடுத்த முயற்சியாக, 250 சி.சி., பைக்கை அறிமுகம் செய்ய உள்ளது. ‘டிரேகென் எக்ஸ்-21’ என, பெயரிடப்பட்டுள்ள இந்த பைக்கின் வடிவமைப்பு, முழுவதுமாக முடியவில்லை. எனினும், உத்தேச மாடலை, கடந்த ஆண்டு நடந்த இந்திய கண்காட்சியில், டி.வி.எஸ்., காட்சிப்படுத்தியிருந்தது. இந்திய பைக் உற்பத்தி நிறுவனங்களின், சூப்பர் பைக்குகளை புறந்தள்ள வேண்டும் என்பதில், டி.வி.எஸ்., தீவிரமாக உள்ளது. இதில், நான்கு ஸ்ட்ரோக், சிங்கிள் சிலிண்டர், நான்கு வால்வு, லிக்விட் கூல்டு மோட்டார் பொருத்தப்படுகிறது. இதன் இன்ஜின், 38.5 குதிரை ஆற்றலை உருவாக்கி, ‘சூப்பர் பிக்கப்’ கொடுக்கும். இது, லிட்டருக்கு, 33.3 கிலோ மீட்டர் மைலேஜ் தருமாம். இரு புறங்களிலும், சக்கரங்களில், ‘டிஸ்க் பிரேக்’ பொருத்தப்பட்டுள்ளது. மொத்தம், ஆறு கியர்கள்; இளம் மற்றும் நகர்ப்புற பைக் பிரியர்களை குறிவைத்து தயாரிக்கப்படும் இந்த பைக், இந்த ஆண்டு இறுதியில் சந்தைக்கு வருகிறது. விலை, ஒரு லட்சம் ரூபாயில் இருந்து துவங்கலாம்.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|