பதிவு செய்த நாள்
14 அக்2015
12:59
பண்டிகை காலம் நெருங்கியும், ‘பட்ஜெட் பைக்’ அறிமுகம் இல்லையே என, வருந்திக் கொண்டிருந்த நடுத்தர வர்க்கத்தின் ஏக்கத்தை போக்கும் வகையில், மோட்டார் சைக்கிள் நிறுவனங்கள், 50 ஆயிரம் ரூபாய்க்கு குறைவான விலையுள்ள பைக்குகளை அறிமுகம் செய்யத் துவங்கியுள்ளன. இந்த வரிசையில், தமிழகத்தைச் சேர்ந்த டி.வி.எஸ்., மோட்டார் நிறுவனம், ‘ஸ்டார் சிட்டி பிளஸ்’ பைக்கில், கூடுதல் அம்சங்களை சேர்த்து, பண்டிகை கால சிறப்பு விற்பனையாக அறிமுகம் செய்துள்ளது.
ஸ்டார் சிட்டி பிளஸ் பைக் அறிமுகம் செய்யப்பட்டு, ஓராண்டு வெற்றிகரமாக கடந்துள்ள நிலையில், ‘ஸ்பெஷல் கோல்ட் எடிஷன் ’ என்ற சிறப்பு விற்பனையாக, இதை களமிறக்கியுள்ளது. சென்னை ஷோரூமில் இதன் விலை, 49 ஆயிரத்து, 425 ரூபாய். இந்த பைக்கில் புதிதாக, ‘டியூப்லெஸ் டயர், யு.எஸ்.பி., சார்ஜர்’ ஆகியவை சேர்க்கப்பட்டுள்ளன.
பல இடங்களில், தங்க நிறம் இடம்பெற்றுள்ளது. 109.7 சி.சி., திறனுடைய பைக்கில், ஐந்து கியர்கள், ‘அட்ஜெஸ்ட்’ செய்யக்கூடிய பின்புற, ‘ஷாக் அப்சர்வர்’ ஆகியவை, புதிதாக இடம்பெற்றுள்ளன.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|