புதுடில்லி:தடையை தகர்த்து, மீண்டும் விற்பனைக்கு வந்துள்ள, 'மேகி நூடுல்ஸ்' சமீபத்தில், 'ஆன்லைன்' வர்த்தகத்தில் சாதனை படைத்துள்ளது. ஐந்தே நிமிடங்களில், 60 ஆயிரம் மேகி பாக்கெட்டுகள் விற்பனை செய்யப்பட்டுஉள்ளன.
தடை விதித்தது: சுவிட்சர்லாந்தைச் சேர்ந்த, 'நெஸ்லே இந்தியா' நிறுவனம், மேகி நூடுல்ஸ் என்ற உணவுப் பொருளை விற்பனை செய்து வந்தது; இதில், காரீயம், ரசாயன உப்பு அதிக அளவில் கலந்துள்ளது கண்டுபிடிக்கப்பட்டதால், அவற்றை இந்தியாவில் விற்பனை செய்யவும், தயாரிக்கவும், உணவு பாதுகாப்பு மற்றும் தர நிர்ணய ஆணையம் தடை விதித்தது.
இதை எதிர்த்து, நெஸ்லே நிறுவனம், மும்பை ஐகோர்ட்டில் மேல்முறையீடு செய்தது. இந்த வழக்கை விசாரித்த மும்பை ஐகோர்ட், மேகிக்கு விதிக்கப்பட்ட தடையை நீக்கியது. இதையடுத்து, மேகி நூடுல்ஸ் தயாரிக்கும் பணியை, நெஸ்லே நிறுவனம், மீண்டும் துவக்கியுள்ளது. இன்னும் சில நாட்களில், நாடு முழுவதும் உள்ள கடைகளில் மேகி நூடுல்ஸ் விற்பனைக்கு வரும் என, எதிர்பார்க்கப்படுகிறது.
இதற்கிடையே, ஆன்லைன் வர்த்தக நிறுவனமான, 'ஸ்நாப்டீல்' மூலமாக, 'மேகி வெல்கம் கிட்' என்ற பெயரில், மேகி நூடுல்சை விற்பனை செய்ய, நெஸ்லே நிறுவனம் திட்டமிட்டது. ஒவ்வொரு பாக்கெட்டிலும், 12 மேகி மசாலா பாக்கெட்டுகள் இருக்கும். அவற்றுடன், 2016க்கான காலண்டர், மேகி போஸ்ட் கார்டு, 'பிரிட்ஜ்'ல் ஒட்டக் கூடிய காந்தம் உள்ளிட்ட பரிசுப்பொருட்களும், இந்த வெல்கம் கிட்டில் இடம் பெற்றிருக்கும்.
விற்று தீர்ந்தது: இதற்கான முன்பதிவு, 9ல், துவங்கியது. முன்பதிவு துவங்கிய, ஐந்தே நிமிடங்களில், 60 ஆயிரம் கிட்டுகள் விற்றுத் தீர்ந்ததாக, ஸ்நாப்டீல் வர்த்தக இணையதள நிறுவனத்தின் துணை தலைவர், டோனி நவீன் தெரிவித்துள்ளார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 13,2015

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 13,2015

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 13,2015

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 13,2015

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 13,2015

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்