பதிவு செய்த நாள்
17 நவ2015
14:12
நான்கு மீட்டர் நீளத்துக்கும் குறைவான சிறிய ரக எஸ்.யு.வி., வாகனங்கள் அதிக அளவில் அறிமுகமாகும் காலம் இது. மகிந்திரா, மாருதி, போர்டு நிறுவனங்களைத் தொடர்ந்து, ‘நெக்சான்’ என்னும் சிறிய ரக எஸ்.யு.வி., வாகனத்தை டாடா நிறுவனம், விரைவில் அறிமுகப்படுத்துகிறது.
இந்த காருக்கு, நகர்ப்புற மேட்டுக்குடி தோற்றத்தை கொடுப்பதற்காக டாடா பெரிதும் மெனக்கெட்டுள்ளது. காரின் பக்கவாட்டில் இருக்கும் பில்லர்களில் இருந்து தனியாக பிரித்துக் காட்டும், ‘புளோட்டிங் ரூப்’ என்று அழைக்கப்படும் மேற்கூரை இதில் அமைக்கப்பட்டுள்ளது. ‘லேண்ட்ரோவர்’ கார்களில் இருப்பதை போல் உட்புறம், கவர்ச்சியாக அமைக்கப்பட்டுள்ளது. இதில், 120 குதிரைசக்தி உருவாக்கக் கூடிய, அடுத்த தலைமுறை, 1.2 லிட்டர் ரெவோட்ரான் பெட்ரோல் இன்ஜின், 1.3 லிட்டர் மல்டிஜெட் இன்ஜின் என, இரு வகைகள் தயாராகி வருகின்றன. இதில், ‘போர்டு எகோஸ்போர்டு, மகிந்திரா டியுவி 300’ வாகனங்களில் இருப்பது போல், ‘ஸ்டெப்னி ’ பின்புறத்தில் இல்லாமல், காரின் அடிப்பகுதியில் பொருத்தப்பட்டுள்ளது. விலையும் அவற்றுக்கு சவால் விடும் வகையில், 6 லட்சம் ரூபாயில் இருந்து துவங்கும் என, தெரிகிறது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|