கனவிலும் நினைத்துப் பார்க்காத வகையில், உலகிலேயே மிகவும் மலிவான விலையில், 'ஸ்மார்ட் போன்' இந்தியாவில் உருவாக்கப்பட்டுள்ளது. இந்த போன், 251 ரூபாய்க்கு விற்கப்பட உள்ளது. இந்த மலிவு விலை போன்க்கு புக்கிங் இன்று(பிப்.,18ம் தேதி) காலை 6 மணிக்கு துவங்கியது. துவங்கிய சில மணிநேரங்களிலேயே அந்த இணையதளம் முடங்கும் அளவுக்கு நொடிக்கு 6 லட்சம் பேர் முன்பதிவு செய்தனர். இதனால் தற்காலிகமாக முன்பதிவு நிறுத்தி வைக்கப்பட்டுள்ளதாகவும், சர்வர் ஓவர் லோடு ஆகியுள்ளதாகவும், இ‌து சரியாக குறைந்தது 24மணிநேரம் ஆகும் என அந்த இணையதளத்தில் தெரிவிக்கப்பட்டுள்ளது.
என்.சி.ஆர்., எனப்படும், தேசிய தலைநகர் பிராந்தியத்தைச் சேர்ந்த நொய்டாவில், 'ரிங்கிங் பெல்ஸ்' நிறுவனம் உள்ளது. இந்த நிறுவனம், உலகின் மிக மலிவான ஸ்மார்ட் போனை தயாரித்துள்ளது. 'பிரீடம் 251' எனப் பெயரிடப்பட்ட, இந்த போன், 251 ரூபாய்க்கு விற்கப்பட உள்ளது.டில்லியில், நேற்று மாலை நடந்த விழாவில், பிரீடம் 251 ஸ்மார்ட் போன், அறிமுகப்படுத்தப்பட்டது.
பா.ஜ., மூத்த தலைவர் முரளி மனோகர் ஜோஷி உள்ளிட்டோர் பங்கேற்றனர். பிரீடம் 251 ஸ்மார்ட் போனுக்கான முன்பதிவு, 18ம் தேதி, காலை, 6:00 மணிக்கு துவங்கி, 20ம் தேதி இரவு, 8:00 மணிக்கு முடிவடையும் என, அறிவிக்கப்பட்டுள்ளது. ரிங்கிங் பெல்ஸ் நிறுவனத்தின், www.freedom251.com என்ற, இணையதளத்தில், இந்த போனை பெற முன்பதிவு செய்யலாம்.
இத்தனை வசதிகளா? : பிரீடம் 251 போனில், இடம்பெற்றுள்ள வசதிகள் குறித்து, ரிங்கிங் பெல்ஸ் நிறுவன இணையதளத்தில் கூறியிருப்பதாவது:
* 5,000 ரூபாய் மதிப்புள்ள போன்களுக்கு உள்ளது போன்ற, 4 அங்குல தொடுதிரை* 'டுவிட்டர், பேஸ்புக்' போன்ற சமூக வலைதளங்கள் வேகமாக இயங்கக் கூடிய வகையிலான, 1 'ஜிபி' நினைவுத்திறன்* 8 ஜிபி தகவல் சேமிப்பு திறன்* 3.2 'மெகாபிக்சல்' பின்புற கேமரா* 0.3 மெகாபிக்சல் முன்புற அல்லது, 'செல்பி'கேமரா* ஒரு நாள் முழுவதும் தாங்கக் கூடிய, 1,450 எம்.ஏ.எச்., திறனுள்ள, 'பேட்டரி'* 1.3 கிகாஹெர்ட்ஸ் குவாட் - கோர் பிராசசர்* 32 ஜி.பி., மைக்ரோ எஸ்.டி., கார்டு பொருத்த முடியும்* ஒரு ஆண்டு வாரண்டியும் உண்டு* நாட்டின் பல பகுதிகளில், 500க்கும் அதிகமான சர்வீஸ் சென்டர்கள் அமைக்கப்படுகின்றன.
சாமானியனின் கனவு நனவாகியது : மத்திய அரசின், 'மேக் இன் இந்தியா' திட்டத்தின் கீழ், முழுமையாக உள்நாட்டிலேயே, இந்த மொபைல் போன்கள் தயாரிக்கப்படுகின்றன. தற்போது, இந்திய மொபைல் போன் சந்தையில், ஸ்மார்ட் போன்களின் குறைந்தபட்ச விலை, 1,500 ரூபாய்; அதிகபட்சம், இரண்டு லட்சம் ரூபாய் வரை விற்கப்படுகிறது. பிரீடம் 251 ஸ்மார்ட் போன், 251 ரூபாய்க்கு விற்கப்படுவதால், சாதாரண மனிதனின் ஸ்மார்ட் போன் கனவு, நனவாகியுள்ளது.

மேலும் ஐ.டி செய்திகள்

புதிய வாடிக்கையாளர்கள் ‘ஜியோ’வை விஞ்சிய ‘ஏர்டெல்’ பிப்ரவரி 18,2016

புதுடில்லி:நாட்டிலுள்ள தொலைபேசி சந்தாதாரர்களின் மொத்த எண்ணிக்கை 116. ஏழு கோடியாக, மார்ச் மாதத்தில் அதிகரித்து ... மேலும்

டுவிட்டரை மோசமாக்கி விடுவார்: எலான் குறித்து பில்கேட்ஸ் பிப்ரவரி 18,2016

புதுடில்லி:‘டுவிட்டர்’ நிறுவனத்தை, எலான் மஸ்க் மோசமாக்கி விடுவார் என, பில்கேட்ஸ் கருத்து ... மேலும்

நான்கு நகரங்களில் ‘மினி டைடல் பார்க்’ பிப்ரவரி 18,2016

சென்னை:துாத்துக்குடி, வேலுார், விழுப்புரம் மற்றும் திருப்பூர் நகரங்களில், ‘மினி டைடல் பார்க்’குகள் ... மேலும்

தகவல் தொழில்நுட்ப துறையில் 1.1 லட்சம் வேலைவாய்ப்புகள் பிப்ரவரி 18,2016

புதுடில்லி:நாட்டின் முன்னணி தகவல் தொழில்நுட்ப நிறுவனங்கள், நடப்பு நிதியாண்டில், ஏராளமானோரை பணியில் அமர்த்த ... மேலும்

எச்.சி.எல்., பொறுப்புகளிலிருந்து ஷிவ் நாடார் விலகல் பிப்ரவரி 18,2016

புதுடில்லி:‘எச்.சி.எல்., டெக்னாலஜிஸ்’ நிறுவனத்தின் நிர்வாக இயக்குனர் மற்றும் இயக்குனர் பதவிகளிலிருந்து ... மேலும்