பதிவு செய்த நாள்
14 மார்2016
00:50
முதலீட்டை பரவலாக்க வேண்டும் என்று சொல்லப்படுவதை, நிதி உலகில் அடிக்கடி கேட்கலாம். முதலீடு செய்யும் தொகையை ஒரே வகையான நிதி சாதனத்தில் போட்டு வைக்காமல், பலவற்றில் பிரித்து முதலீடு செய்ய வேண்டும். இதே போல வருமான பரவலாக்கலும் தேவை என்று சொல்லப்படுவது உங்களுக்குத் தெரியுமா? அதாவது, ஒரே ஒரு வருமானத்தை (சம்பளம்) மட்டும் நம்பியிருக்காமல், வேறு வருவாய் ஆதாரங்களையும் தேடிக்கொள்ள வேண்டும். வர்த்தக நிறுவனங்கள் எப்படி ஒரே ஒரு வாடிக்கையாளரை மட்டும் நம்பியிருப்பது ஆபத்தானதோ அது போலவே ஒற்றை வருமானத்தை சார்ந்திருப்பதும் ஆபத்தானதே. எனவே தான், கூடுதல் வருமானம் வரும் வழிகளை தேடிக்கொள்ள வேண்டும். அது பகுதிநேர பணியாகவும் இருக்கலாம்; திறன் சார்ந்த ஆலோசனை சேவையாகவும் இருக்கலாம்.
உங்களுக்கான ‘பேலன்ஸ் ஷீட்’வர்த்தக நிறுவனங்களின் நிதி ஆரோக்கியத்தை, ‘பேலன்ஸ் ஷீட்’ கொண்டு அறியலாம். நிறுவனங்கள் மட்டும் தான் என்றில்லாமல், தனிநபர்களும் கூட தங்கள் வரவு – செலவுக்கான பேலன்ஸ் ஷீட்டை உருவாக்கிக் கொள்ள முடியும். இதை எப்படி செய்வது மற்றும் அதனால் என்ன பலன் என்று பார்க்கலாம்!
வரவும் செலவும் நிறுவனங்களுக்கான பேலன்ஸ் ஷீட் சிக்கலானது. நிறுவன சொத்துக்கள், கடன் பொறுப்புகள் மற்றும் பங்குதாரர்களின் சமபங்கு நிலை ஆகியவற்றை தெரிவிக்கும் நிதி அறிக்கையாக அது அமைகிறது. ஆனால், உங்களுக்கான பேலன்ஸ் ஷீட் எளிதாக இருந்தால் போதுமானது. ஒரு பக்கம் சொத்துக்கள், இன்னொரு பக்கம், கடன் பொறுப்புகளை கொண்டதாக இருந்தாலே போதும்.
வருமான அறிக்கைமுதலில் உங்களுக்கான வருமான அறிக்கையை தயார் செய்ய வேண்டும். அதற்கு வருமானத்தை குறித்து வைப்பதோடு, செலவுகளையும் குறித்து வைக்க வேண்டும். மளிகை செலவு, கிரடிட் கார்டு பயன்பாடு, பில் தொகைகள் என, எல்லாவற்றையும் குறித்து வையுங்கள். இப்படி செய்யும் போதே, எதற்காக எல்லாம் அதிகம் செலவாகிறது என தெரிந்துவிடும். ஒரு காகிதத்தில் இரண்டு கட்டம் போட்டு ஒரு பக்கம் வருமானம், அதற்கு அருகே உள்ள கட்டத்தில் செலவுகளை இடம்பெறச் செய்தால் வருவாய் அறிக்கை தயார்.
கடன் பொறுப்புகள்வருமான அறிக்கையில் பார்த்தால் அனேக செலவுகள், வரிகள், வாடகை, உணவு, போக்குவரத்து, வீட்டுச்செலவு ஆகிய பிரிவுகளின் கீழ் அமைந்திருக்கலாம். வீட்டுக்கடன் அல்லது வாகனக்கடன் வாங்கியிருந்தால் அவை கடன்பொறுப்புகளின் கீழ் வரும். ரியல் எஸ்டேட், பத்திரங்கள், தங்கம் போன்றவற்றில் முதலீடு செய்திருந்தால் அவை சொத்துக்களின் கீழ் வரும்.
நிகர மதிப்பு என்ன?வருமான அறிக்கை போலவே ஒரு காகிதத்தில் இரண்டு கட்டங்களாக பிரித்து ஒரு பக்கம் சொத்துக்களையும், மறுபக்கத்தில் கடன் பொறுப்புகளையும் குறிப்பிடவும். கடன் பொறுப்புகளை விட சொத்துக்கள் மற்றும் முதலீட்டின் பலன் அதிகமாக இருந்தால், அது தான் உங்கள் நிகர மதிப்பு. பொதுவாக ஏழைகளுக்கும் செல்வந்தர்களுக்கமான வித்தியாசம், கடன் பொறுப்புகள் மற்றும் சொத்துக்களில் இருப்பதை பார்க்கலாம். ஏழைகளின் செலவுகள், முதலீடு மற்றும் சொத்து உருவாக்கத்தில் குறைவாக இருக்கிறது. நடுத்தர மக்களைப் பொருத்தவரை செலவுகளில் ஒரு பகுதி, சொத்தாக மாறக்கூடிய வீட்டுக்கடன், வாகனக்கடன் போன்றவையாக இருக்கிறது.
கூடுதல் வருவாய்செல்வந்தர்கள் தங்கள் செலவுகளின் கணிசமான பகுதியை, சொத்துக்கள் அல்லது முதலீட்டு சாதனங்களில் முதலீடு செய்கின்றனர். இவை பேலன்ஸ் ஷீட்டில் சொத்தாக மாறுவதுடன், அவற்றின் மூலம் வரும் வட்டி அல்லது ஊக்கத்தொகை போன்ற பலன், மாத வருமானத்துடனும் சேர்கிறது. ஆக உங்கள் பேலன்ஸ் ஷீட்டும் இப்படி இருந்தால், நீங்களும் செல்வந்தராகலாம்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|