பதிவு செய்த நாள்
25 மார்2016
07:56
புதுடில்லி : பக்கவிளைவுகளை உண்டாக்கும், ஆங்கில மருந்துகளுக்கு தடை விதிக்கப்பட்டுள்ளதால், மூலிகை பொருட்களால் தயாரிக்கப்படும் ஆயுர்வேத மருந்துகள் விற்பனை அதிகரிக்கத் துவங்கியுள்ளது.
மத்திய அரசு, ‘பிக்சட் – டோஸ்’ எனப்படும், 344 கலப்பு மருந்துகள் விற்பனைக்கு, கடந்த வாரம் தடை விதித்தது. இதன்படி, ஜலதோஷம், இருமல் போன்றவற்றுக்கு நிவாரணம் அளிக்கக் கூடிய, ‘விக்ஸ் ஆக் ஷன் – 500 எக்ஸ்ட்ரா, கோரக்ஸ்’ போன்ற மருந்துகள் தடை செய்யப்பட்டு உள்ளன. இதனால், பக்கவிளைவுகள் இல்லாத, அதே சமயம் ஆங்கில மருந்துகளுக்கு ஈடான ஆயுர்வேத மருந்துகளை, நோயாளிகள் நாடத் துவங்கியுள்ளனர். இந்த அருமையான வாய்ப்பை பயன்படுத்தி, ‘டாபர் இந்தியா, சரக் பார்மா’ உள்ளிட்ட ஆயுர்வேத மருந்து நிறுவனங்கள், வர்த்தகத்தை அதிகரிக்கும் முயற்சியில் இறங்கி உள்ளன.
விளம்பர முயற்சிடாபர் இந்தியா, அதன், ‘டாபர் ஹோனிடஸ்’ என்ற ஆயுர்வேத இருமல் மருந்தின் மகத்துவம் குறித்து, ஊடகங்களில் அதிரடி விளம்பரங்களை வெளியிடத் துவங்கியுள்ளது. அவற்றில், தடை செய்யப்பட்ட பல இருமல் மருந்து களுக்கு, சரியான தீர்வு, ‘டாபா ஹோனிடஸ்’ என்ற வாசகங்கள் பளிச்சிடுகின்றன. சரக், ஹிமாலயா டிரக் உள்ளிட்ட பல ஆயுர்வேத மருந்து நிறுவனங்களும், அவற்றின் விற்பனையை முடுக்கி விட்டு உள்ளன. அதுபோல, அமைப்பு சாரா மருந்து நிறுவனங்களும், சந்தை யில் தற்காலிகமாக ஏற்பட்டுள்ள வெற்றிடத்தை நிரப்புவதற்கான முயற்சியை துவக்கியுள்ளன.
புத்துணர்ச்சிஎனினும், 25 ஆயிரம் கோடி ரூபாய் மதிப்புள்ள, இந்திய ஆயுர்வேத மருந்து சந்தையில், டாபர் இந்தியா, சரக், ஹிமாலயா டிரக் போன்ற முன்னணி நிறுவனங்களின் பங்களிப்பு, 1 – 2 சதவீதத்திற்கும் குறைவாகவே உள்ளது. அவற்றின், விற்றுமுதல் கூட, 300 – 500 கோடி ரூபாய் என்ற அளவிற்கு, மிகக் குறைவாகவே உள்ளது. அதே சமயம், ஆங்கில மருந்து நிறுவனங்களோ, இதை விட பல மடங்கு விற்றுமுதலைக் கண்டு வருகின்றன. இருந்தபோதிலும், கலப்பு மருந்துகளுக்கு விதிக்கப்பட்டுள்ள தடை, ஆயுர்வேத மருந்து துறைக்கு புத்துணர்ச்சியை அளித்து, இத்துறை நிறுவனங்களின் எழுச்சிக்கு வித்திட்டுள்ளது என்றால், அது மிகையாகாது.
நிவாரணம்கலப்பு மருந்துகள் விற்பனைக்கு விதிக்கப்பட்ட தடைக்கு எதிராக, மருந்து நிறுவனங்கள், சுப்ரீம் கோர்ட்டில் முறையிட்டு, இடைக்கால நிவாரணம் பெற்று உள்ளன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|