பதிவு செய்த நாள்
27 மார்2016
06:05
புதுடில்லி : இந்திய இருசக்கர வாகன டயர் துறையில், ஜப்பான், தைவான் ஆகிய நாடுகளுடன் உள்நாட்டு நிறுவனங்களும் களமிறங்க உள்ளதால், பல காலமாக இச்சந்தையில் ஆட்சி செலுத்திவரும், விரல் விட்டு எண்ணக்கூடிய நிறுவனங்கள் கலக்கம் அடைந்துள்ளன.
இந்தியாவில், கார், பேருந்து, ‘டிரக்’ உள்ளிட்ட வாகனங்களுக்கு தேவையான, டயர்களை தயாரித்து வரும் அப்பல்லோ டயர்ஸ் நிறுவனம், சமீபத்தில், இருசக்கர வாகன டயர் தயாரிப்பிலும் கால் பதித்துள்ளது. இந்நிறுவனம், அடுத்த இரண்டு ஆண்டுகளில், மாதம், ஐந்து லட்சம் டயர்களை விற்பனை செய்ய, இலக்கு நிர்ணயித்துள்ளது. அதுபோல, இதுவரை கார் மற்றும் கனரக வாகனங்களுக்கு டயர்களை தயாரித்து வரும், ஜே.கே.டயர்ஸ் நிறுவனமும், இருசக்கர வாகனங்களுக்கான டயர்களை தயாரிக்க உள்ளது. இதற்காக, 2,200 கோடி ரூபாய் முதலீட்டில், பி.கே.பிர்லா குழுமத்திடம் இருந்து, ஒரு டயர் தயாரிப்பு பிரிவை வாங்கியுள்ளது.
ஜப்பானைச் சேர்ந்த, பிரிட்ஜ்ஸ்டோன் நிறுவனமும், இந்திய இருசக்கர வாகன டயர் சந்தையை கலக்க வருகிறது. தைவானைச் சேர்ந்த, மேக்சிஸ் நிறுவனம், குஜராத்தில், இரு சக்கர வாகனங்களுக்கான டயர் தொழிற்சாலையில் முதலீடு செய்ய உள்ளது. இவை தவிர, மேலும் சில நிறுவனங்கள், இருசக்கர வாகன டயர் சந்தையை குறிவைத்து, திட்டங்கள் தீட்டி வருவதாக கூறப்படுகிறது. இதனால், இருசக்கர வாகன டயர் சந்தையில், வரும் ஆண்டுகளில் கடும் போட்டி உண்டாகும் சூழல் ஏற்பட்டுள்ளது.
தேவையை விட, அதிக அளவில் டயர்கள் தயாரிக்கப்படும் சூழல் உருவாகி, விலையில் ஸ்திரத்தன்மை ஏற்படும் என, மதிப்பிடப்பட்டுள்ளது. புதிய நிறுவனங்கள் வருகை யால், இருசக்கர டயர் விற்பனையில் நிறுவனங்களின் லாப வரம்பும் குறையும் என, எதிர்பார்க்கப்படுகிறது. அதேசமயம், நடுத்தர மக்கள் அதிகரித்து வருவதும், கிராமப்புறங்களில் பெருகிவரும் பணப்புழக்கமும், இருசக்கர வாகனங் கள் விற்பனை உயர வழிவகுக்கும் என்பதால், அவற்றுக்கான டயர் சந்தை விரிவடையும். அதனால் தான், பல நிறுவனங்கள், இச்சந்தையில் குதிக்க தயாராகி வருகின்றன எனவும் கருதப்படுகிறது.
பங்களிப்பு* இந்தியாவில், 12 கோடி இரு சக்கர வாகனங்கள் புழக்கத் தில் உள்ளன* கடந்த மூன்று ஆண்டுகளில், மோட்டார் சைக்கிள் 8 சதவீதம்; ஸ்கூட்டர் 20 சதவீதம் என்ற அளவில் விற்பனை வளர்ச்சியை கண்டுள்ளன* நாட்டில் விற்பனையாகும் டயர்களில், இருசக்கர வாகன டயர்களின் பங்களிப்பு, 50 சதவீதமாக உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|