பதிவு செய்த நாள்
28 மார்2016
07:13
வெற்றிக்கான வழிகளை எல்லாரும் தேடிக் கொண்டிருக்கின்றனர். சிந்தனை பெரிதாக இருந்தால் வெற்றியும் பெரிதாக இருக்கும் என ஊக்கம் அளிக்கும் வகையில் அமைந்திருக்கிறது, டேவிட் ஸ்வார்ட்ஸ் எழுதிய, ‘தி மேஜிக் ஆப் திங்கிங் பிக்.’ இந்த புத்தகம், நாம் செயல்படுவதற்கான பரப்பு பரந்து விரிந்திருக்கிறது என ஊக்கமளிக்கிறது.
* உங்களால் வெற்றி பெற முடியும் என நம்புங்கள். உங்கள் வெற்றியின் அளவு, உங்கள் சிந்தனையின் அளவை சார்ந்தே அமையும். பெரிதாக யோசிப்பவர்கள், பெரிய அளவில் வளர்ச்சி காண்கின்றனர். உறுதியான நம்பிக்கை, வெற்றிக்கான வழிகளை காண துாண்டுகோளாக அமைந்து அவற்றை தேடி அடைய வைக்கிறது. வெற்றி பற்றி யோசியுங்கள்; தோல்வி பற்றியல்ல. நீங்கள், நினைத்துக் கொண்டிருப்பதை விட மேம்பட்டவர் என நம்புங்கள். ஒரு போதும் உங்களை குறைத்து மதிப்பிட்டுக் கொள்ள வேண்டாம்
* காரணங்கள் சொல்லிக் கொண்டிருப்பதை விட்டு விடுங்கள்; அது தோல்வி மனநிலை. உங்கள் திறனை குறைத்து மதிப்பிட வேண்டாம். மற்றவர்கள் திறனை அதிகமாகவும் மதிப்பிட வேண்டாம். உங்கள் வளங்களில் கவனம் செலுத்துங்கள்.
* நம்பிக்கையை உண்டாக்கி, அச்சத்தை போக்குங்கள். செயல், பயத்தை போக்கும். பயத்தை கண்டறிந்து, அதற்கான காரணங்களை ஆய்வு செய்யுங்கள். எதிர்மறையான எண்ணங்களை தவிர்த்து விடுங்கள்.
* மனிதர்களின் மிகப்பெரிய பலவீனம், தங்களைப் பற்றி தாழ்வாக நினைத்துக் கொள்வது தான். எல்லாவற்றையும் காட்சிப்படுத்திப் பாருங்கள். உங்களைப் பற்றி பெரிய அளவில் யோசியுங்கள். வெற்றி, மகிழ்ச்சி மற்றும் கொண்டாட்டத்தை நினைவுபடுத்தும் வார்த்தைகளை பயன்படுத்துங்கள்.
* முன்னேற்றம் தான் மிகவும் முக்கியமானது. நீங்கள் எதிலிருந்து துவங்குகிறீர்கள் என்பதை விட, எவற்றை கற்றுக் கொண்டு பயன்படுத்துகிறீர்கள் என்பதே முக்கியம். எல்லாவற்றிலும் முன்னேற்ற எண்ணம் கொண்டிருக்க வேண்டும்.
* உங்களை உங்களுக்கே விற்றுக் கொள்ளுங்கள். அதாவது, சுய நம்பிக்கை கொள்ளுங்கள். உணவுப் பழக்கம் உடலை உறுதியாக்குவது போல, மனப் பழக்கம் உள்ளத்தை உறுதியாக்கும். விமர்சனங்கள் மற்றும் எதிர்மறை கருத்துக்களுக்கு எதிராக தற்காப்பை உருவாக்கி கொள்ளுங்கள்.
* உங்கள் அணுகுமுறையை நண்பனாக்கி கொள்ளுங்கள். நீங்கள் செய்யும் எல்லாவற்றிலும் உற்சாகம் பொங்கட்டும்.
* வெற்றிக்கு மற்றவர்கள் ஆதரவு முக்கியம். வெற்றிகரமான மனிதர்கள், மற்றவர்களை நேசிக்க ஒரு வழி வைத்திருக்கின்றனர்.
* வெற்றியை ஒரு பழக்கமாக்கி கொள்ளுங்கள். இதை பயிற்சி செய்து வளர்த்துக் கொள்ளலாம். செயல்படுவதற்கு முன் எல்லா பிரச்னைகளையும் தீர்ப்பதை விட, அவற்றை எதிர்கொள்ளும் போது தீர்வு காணும் தன்மையே வெற்றியாளர்களுக்கு முக்கியம். துவங்குவது தான் செயல்படத் துவங்குவதற்கான ஒரே வழி.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|