பதிவு செய்த நாள்
03 ஏப்2016
07:08
புதுடில்லி:கடந்த மார்ச் மாதத்துடன் முடிந்த, 2015 – 16ம் நிதியாண்டில், கார் விற்பனை, முந்தைய நிதியாண்டை விட, சிறப்பான வளர்ச்சி கண்டுள்ளது.ஒரு டஜனுக்கும் அதிகமான புதிய கார்களின் அறிமுகமும், பராமரிப்பு செலவு குறைவும், இந்த வளர்ச்சிக்கு துணை புரிந்துள்ளது. இருந்தபோதிலும், பல்வேறு காரணங்களால், கடந்த நிதியாண்டில், சில கார் நிறுவனங்களின் விற்பனை, முந்தைய நிதியாண்டை விட குறைந்துள்ளது.கடந்த, 2015 – 16ம் நிதியாண்டில் பலவகை கார்களின் விற்பனை, 7 சதவீதம் வளர்ச்சி கண்டு, 27.80 லட்சமாக உயர்ந்துள்ளது. முந்தைய, 2014 – 15ம் நிதியாண்டில், கார் விற்பனை, 3.9 சதவீதம் வளர்ச்சி அடைந்து, 26 லட்சமாக இருந்தது. தொடர்ந்து, இரண்டு நிதியாண்டுகளாக, கார் விற்பனை அதிகரித்து வருகிறது. இதற்கு, புதிய கார்களின் அறிமுகம், கச்சா எண்ணெய் விலை குறைவு உள்ளிட்ட பல அம்சங்கள் துணை புரிந்துள்ளன. கடந்த நிதியாண்டில், மாருதி சுசூகி நிறுவனத்தின் விற்பனை அதிகரிக்க, ‘பலேனோ, பிரஸ்ஸா’ போன்ற புதிய கார்களும், ‘சியாஸ்’ போன்ற புழக்கத்தில் உள்ள மாடல்களும் குறிப்பிடத்தக்க பங்களிப்பை வழங்கி உள்ளன.அதுபோல, ஹுண்டாய் நிறுவனத்தின் விற்பனை உயர, புதிய, ‘கிரெட்டா’ கார் மற்றும் ‘எலைட் ஐ20, கிராண்டு ஐ10’ கார்கள் உதவியுள்ளன. மகிந்திரா அண்டு மகிந்திரா நிறுவனத்திற்கு, ‘டி.யு.வி., 300, கே.யு.வி., 100 போன்ற புதிய கார்கள் கைகொடுத்துள்ளன. ரெனால்ட் நிறுவனத்தின் விற்பனை உயர, புதிய ‘க்விட்’ கார் உதவிஉள்ளது.அதேசமயம், டாடா மோட்டார்ஸ், டொயோட்டா உள்ளிட்ட ஒரு சில நிறுவனங்களின் விற்பனை வளர்ச்சி குறைந்துஉள்ளது.
இது தொடருமா? கடந்த நிதியாண்டில், கார் நிறுவனங்கள் கண்ட வளர்ச்சி, நடப்பு, 2016 – 17ம் நிதியாண்டிலும் தொடருமா என, உறுதியாக கூற முடியாது என, வல்லுனர்கள் தெரிவித்துள்ளனர். அதற்கான காரணங்கள்:மத்திய அரசு, 1 – 2.5 சதவீதம், அடிப்படை கட்டமைப்புக்கு கூடுதல் வரி விதித்ததால், கடந்த ஜனவரியில், பல நிறுவனங்கள், கார் விலையை உயர்த்தின. சாதாரண கார்களின் விலை அதிகம் உயரவில்லை என்ற போதிலும், ஆடம்பர கார்களின் விலை அதிகளவு உயர்த்தப்பட்டுள்ளது. இது, கார்களின் மொத்த விற்பனையை பாதிக்கும்.கடந்த ஓராண்டிற்கும் மேலாக குறைந்து வந்த கச்சா எண்ணெய் விலை, மீண்டும் உயரத் துவங்கியுள்ளது. இது, நடுத்தர வர்க்கத்தினரின் கார் வாங்கும் ஆசைக்கு அணைபோடும்.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|