பதிவு செய்த நாள்
25 ஏப்2016
00:22
சொந்த வீடு வாங்க திட்டமிடும் போது தேவைக்கும், விருப்பத்திற்கும் ஏற்ற வீடு கிடைக்கிறதா என்பதிலும், அதற்கான பட்ஜெட்டிலும் தான் அதிகம் கவனம் செலுத்துகிறோம். அதன்பின், சொந்த வீட்டுக் கனவை நிறைவேற்றத் தரும் வீட்டுக்கடனை நாடுகிறோம். பொதுவாக, வீட்டுக்கடன் பெறும் போது பலரும் வட்டி விகிதம் போன்ற அம்சங்களில் மட்டுமே கவனம் செலுத்துகின்றனர். ஆனால், வீட்டுக் கடனுக்கு விண்ணப்பிக்கும் முன், பல விஷயங்களை மனதில் கொள்ள வேண்டும். அதோடு, பொதுவாக பலரும் செய்யும் இந்த தவறுகளை தவிர்க்க வேண்டும்.
போதுமான ஆய்வு பெரும்பாலானோர் தங்கள் சேமிப்பு கணக்கு வைத்திருக்கும் வங்கியையே வீட்டுக்கடன் பெற அணுகுகின்றனர். ஆனால், 15 முதல், 20 ஆண்டு காலம் தொடர்ந்து செலுத்த இருக்கும் கடனில் கூடுதல் கவனம் தேவை. எனவே, கடன் தர வாய்ப்புள்ள வங்கிகளை தேர்வு செய்து, அவற்றில் எந்த வங்கி உங்களுக்கு சிறந்த கடனை அளிக்கிறது என கண்டறியுங்கள்.
தைரியமாக பேசுங்கள்வீட்டுக்கடன் பெறுபவர்கள், அனேகமாக வங்கிகள் தெரிவிக்கும் அனைத்து விதிகள் மற்றும் நிபந்தனைகளை அப்படியே ஏற்றுக் கொள்கின்றனர். ஆனால், வங்கியில் இது தொடர்பாக பேசி சாதகமான அம்சங்களை பெறலாம் என்பது உங்களுக்குத் தெரியுமா? வங்கி அதிகாரியிடம் உட்கார்ந்து பேசினால் வட்டி விகிதம் துவங்கி, மறைந்திருக்கும் கட்டணம் வரை பலவற்றில் சிறந்த அம்சங்களை பெறலாம். எனவே, தைரியமாக பேசி உங்களுக்கான சலுகைகளை கேளுங்கள்.நான்கைந்து வங்கிகளில் விசாரித்து, விவரங்களை ஒப்பிட்டு பார்த்து உங்களுக்கு தேவையான அம்சங்களை அறிந்து வைத்திருப்பது தான்.
அதிக கடன் தொகைவீட்டுக் கடனுக்கு விண்ணப்பிக்கும் போது கூடுதலான தொகை கிடைக்க வேண்டும் என்றே மனம் விரும்பும். வங்கிகள் உங்கள் வருமானம் மற்றும் திருப்பி செலுத்தும் ஆற்றலை கணக்கில் கொண்டு கடன் வழங்குகின்றன. ஆனால், உங்கள் செலவு, பழக்கங்கள் பற்றி நீங்கள் மட்டுமே அறிவீர்கள். உங்களால் அடைக்க முடிந்ததை விட அதிக தொகையை பெற வேண்டாம்.
கூடுதல் செலவுகள்வீடு வாங்கும் போது சொத்து வரி, பராமரிப்பு செலவு போன்ற கூடுதல் செலவுகள் இருக்கும். அவற்றையும் மனதில் கொள்ள வேண்டும். மாதத் தவணையோடு இந்த செலவுகளையும் சேர்த்துக் கொள்ள மறக்கக் கூடாது.
காப்பீடுவீட்டுக்கடன் பெறும் போது அதற்குரிய காப்பீடும் பெற மறக்கக் கூடாது. எதிர்பாராத அசம்பாவிதம் நிகழும் பட்சத்தில், வீட்டுக்கடன் குடும்பத்திற்கு சுமையாக மாறுவதிலிருந்து காப்பீடு பாதுகாப்பு அளிக்கும். ஆயுள் காப்பீடு அல்லது கிரிட்டிகல் இல்னஸ் பாலிசியை பரிசீலிக்கலாம்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|