பதிவு செய்த நாள்
02 மே2016
08:01
நிதி திட்டமிடலையும் ஒரு இலக்காக நிர்ணயித்துக்கொண்டு செயல்பட்டால் அவற்றை நிச்சயம் அடைந்து விடலாம். சேமிப்பிற்கும் சரி, கடனை அடைப்பதற்கும் சரி இது கைகொடுக்கும். இலக்கை அடையும் வரை உறுதியாக இருக்க வேண்டும். இதை அறிந்தவர்கள் வெற்றிகரமாக செயல்படுத்தியும் வருகின்றனர். எல்லாம் சரி, இலக்கை அடைந்த பிறகு என்ன செய்வது? இந்த கேள்வி பற்றி பலரும் யோசிப்பதில்லை. இதனால், நோக்கம் நிறைவேறியதும் இலக்கை மறந்து விடுகின்றனர். இதனால் சேமிப்பு பழக்கத்தின் பலனை இழக்கலாம். எனவே, ஒரு இலக்கை வெற்றிகரமாக நெருங்கும் போதே, அடுத்த பொருத்தமான இலக்கை தேர்வு செய்து சேமிப்பை தொடர வேண்டும். உடனடி இலக்கு இல்லை என்றால், அந்த நிதியை அவசர கால நிதியை உருவாக்க பயன்படுத்திக்கொள்ளலாம்.
பட்ஜெட்டுக்கு புது வழி
பட்ஜெட் போட்டு செலவு செய்வது திட்டமிடலுக்கும் உதவும். ஆனால், வழக்கமாக பட்ஜெட் போடும் முறையில், அதாவது செலவுகளை பட்டியலிட்டு அவற்றுக்கான நிதி ஒதுக்கும் முறையில், ஒரு சிக்கல் இருக்கிறது. இந்த முறை, திட்டமிடுவதற்கு சிறந்ததாக இருந்தாலும் செயல்படுத்தும் போது தடைகளை உண்டாக்குகிறது. குறிப்பிட்ட ஒரு செலவிற்கு நிதி ஒதுக்கிய பிறகு அதை மறந்து விடுகிறோம். ஆனால், சில மாதங்கள் கழித்து அந்த செலவு மீண்டும் வந்தால் சிக்கலாகி விடுகிறது. எனவே தான், பட்டியல் முறையில் பட்ஜெட் போடுவதற்கு பதில் வட்ட வடிவத்தில் பட்ஜெட் போடுவது ஏற்றதாக இருக்கும் என்கின்றனர்.
பட்டியல் முறை :பொதுவாக பட்ஜெட் போடும் போது முதலில் வருமானத்தை பட்டியலிடுகிறோம். அதன் பிறகு செலவுகளை வரிசையாக பட்டியலிடுகிறோம். ஒவ்வொரு செலவுக்கும் உரிய தொகை ஒதுக்க முயற்சிக்கிறோம். செலவுகள் போக மீதி இருந்தால் உபரியாக வைத்துக்கொள்வோம். ஒரு சில செலவுகளை அவை நிறைவேறியதும்,பட்டியலில் இருந்து அடித்து விடுவோம். ஆனால், ஒரு சில செலவுகள் மீண்டும் ஏற்படலாம். உதாரணத்திற்கு, அவசர கால நிதியை எடுத்துக்கொள்வோம். இதற்கான தொகையை சேமித்த பிறகு, இதற்கான ஒதுக்கீட்டை தேவை இல்லை என நினைப்போம். ஆனால், அவசர கால நிதியை பயன்படுத்தும் தேவை ஏற்பட்டால் என்ன செய்வது? அந்த நிதியை மீண்டும் உருவாக்க வேண்டும். அப்போது பட்ஜெட்டில் துண்டு விழும்.
நேர்கோடு அல்ல வாழ்க்கை :வாழ்க்கையும் சரி, செலவுகளும் சரி ஒரே நேர்க்கோட்டில் அமைவதில்லை. உதாரணத்திற்கு, சில காலம் சீராக இருக்கும். அதாவது, திட்டமிட்டபடி செலவுகள் அமையும். நடுவே திடீரென இறக்கம் உண்டாகும். அதாவது எதிர்பாராத செலவுகள் ஏற்படலாம். இந்த சரிவில் இருந்து மீண்டு வர முயற்சிக்க வேண்டும். அதன் பிறகு திடீரென உயர்வும் உண்டாகும். போனஸ் போன்றவை மூலம் இது நிகழலாம். இந்த ஏற்ற, இறக்கம் இயல்பானது தான் என்றாலும், திட்டமிடலில் இது சிக்கலை ஏற்படுத்தலாம். நிதி இலக்கை நோக்கி முன்னேறும் பாதையில் இது வேகத்தடையாக அமையும். பட்டியல் முறையில் உள்ள பாதகமான அம்சம் இது தான். இதை தவிர்க்க, பட்ஜெட்டை வட்ட வடிவில் யோசிக்க வேண்டும். இந்த முறையில், எப்போதுமே மாற்றத்திற்கான இடைவெளி இருக்கும். அந்த இடைவெளி தான் இலக்கை நோக்கி முன்னேற உதவும்.
வட்ட வடிவ பட்ஜெட் :வட்ட வடிவ பட்ஜெட்டையும் செலவுகள் பட்டியலில் இருந்து தான் துவங்க வேண்டும். ஆனால், அடுத்த கட்டமாக செலவுகளை வகைப்படுத்தி, முன்னுரிமைக்கு ஏற்ப நிதி ஒதுக்க வேண்டும்.உதாரணமாக, மாதந்தோறும் வரும் செலவுகளை, வழக்கமான செலவுகள் என வகைப்படுத்திக் கொள்ளலாம். இதற்கான நிதி ஒதுக்கிய பிறகு, எதிர்பாராமல் திடீரென ஏற்படக்கூடிய செலவுகளுக்கு என்று நிதி ஒதுக்க வேண்டும். அதன் பிறகு கடன்களை அடைக்க, அவசர கால நிதி, ஓய்வூதிய நிதி மற்றும் இதர என செலவுகளை பிரித்துக்கொள்ள வேண்டும். இப்படி அடிப்படையாக செலவுகளை பிரித்துக்கொண்ட பிறகு, மாதந்தோறும் தேவைக்கேற்ப இந்த வரைபடத்தில், அந்த அந்த பிரிவுக்குள் மாற்றம் செய்து கொள்ளலாம்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|