பதிவு செய்த நாள்
12 மே2016
01:19
மும்பை:‘கடந்த, 2015 – 16ம் நிதியாண்டில், 6.42 லட்சம் கோடி ரூபாயாக இருந்த, இந்திய கல்வித் துறையின் சந்தை மதிப்பு, நடப்பு, 2016 – 17ம் நிதியாண்டில், 7.80 லட்சம் கோடி ரூபாயாக உயரும்’ என, ‘இந்த் – ரா’ நிறுவனத்தின் ஆய்வறிக்கையில் தெரிவிக்கப்பட்டுள்ளது.
அதன் விவரம்::நாட்டில், அரசு மற்றும் தனியார் துறையைச் சேர்ந்த பாரம்பரியமான பள்ளிகள் மற்றும் கல்லுாரிகளின் எண்ணிக்கை, அதிகரித்து வருகின்றன. அதுபோல, தனியார் துறையில், ‘கிரீச்’ எனப்படும், குழந்தை பாதுகாப்பு கூடங்கள், மழலையர் பள்ளிகள், தொழிற்கல்வி மையங்கள் ஆகியவையும் பெருகி வருகின்றன.
வளமான வாய்ப்பு:தனியார் துறையைச் சேர்ந்த பல பல்கலைகள், வெளிநாட்டு பல்கலைகளுடன் இணைந்து, உயர்தரமான கல்வியை போதிக்கின்றன; அவற்றில், மாணவர் சேர்க்கையும் அதிகமாக உள்ளது. கடந்த, 2008 – 09ம் நிதியாண்டில், நாட்டின் மொத்த பல்கலைக்கழகங்களில், தனியாரின் பங்கு, 3 சதவீதமாக இருந்தது. இது, 2014 – 15ம் நிதியாண்டில், 29 சதவீதமாக உயர்ந்துள்ளது.
ஒரு சில தனியார் பல்கலைகள், குறுகிய காலத்தில், சர்வதேச பல்கலைகளுடன் கூட்டு மேற்கொண்டு, தகுதி வாய்ந்த கல்வியாளர்களை நியமித்து, தரமான கல்வியை போதித்து, சிறப்பாக வளர்ச்சி கண்டுள்ளன. அங்கீகரிக்கப் பட்ட மாணவர் சேர்க்கையை கண்காணிக்கும் அமைப்பு இல்லாததும், இவ்வளர்ச்சிக்கு காரணம் எனலாம். கல்வித்துறையின் பல்வேறு பிரிவுகளில், தேவைக்கும், அளிப்பிற்கும் உள்ள இடைவெளி அதிகரித்து வருவது, வளமான வர்த்தக வாய்ப்பிற்கு வழிகோலுவதாக உள்ளது
இந்திய கல்வித் துறை விரிவடைந்து வருவதால், பள்ளி மற்றும் உயர்கல்வி மையங்களில், மாணவர் – ஆசிரியர் விகிதாச்சாரமும் அதிகமாக உள்ளது. கிராமப்புறங்களிலும், பெற்றோர், தங்கள் பிள்ளைகளை, தனியார் பள்ளிகளில் சேர்க்கவே ஆர்வம் காட்டுகின்றனர்.
தேவைகள் கடந்த, 2006ல், தனியார் பள்ளிகளில், 6 – 14 வயதுள்ள குழந்தைகளின் சேர்க்கை, 18.7 சதவீதமாக இருந்தது. இது, 2014ல், 30.8 சதவீதமாக அதிகரித்துள்ளது. இந்தியாவில், வரும் ஆண்டுகளில் மேலும், இரண்டு லட்சம் பள்ளிகள், 35 ஆயிரம் கல்லுாரிகள், 700 பல்கலைகள் மற்றும் நான்கு கோடி மாணவர்களுக்கான தொழிற்கல்வி மையங்களுக்கு தேவை உள்ளதாக மதிப்பிடப்பட்டுள்ளது. அதனால், இத்துறையில், தனியாருக்கான வர்த்தக வாய்ப்பும் பிரகாசமாக உள்ளது.இவ்வாறு அதில் கூறப்பட்டு உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|