பதிவு செய்த நாள்
13 ஜூன்2016
07:32
பணத்தை சரியாக நிர்வகிப்பது என வரும் போது முதலில் பணத்திற்கும் உங்களுக்குமான உறவை தெளிவாக அறிந்திருக்க வேண்டும் என்கின்றனர், ஜோசப் போயெட்,- ஜிம்மி போயெட். முன்னணி நிதி வழிகாட்டிகளின் கோட்பாடுகளை அடிப்படையாகக் கொண்டு இருவரும் எழுதிய, ‘தி குரு கைடு டு மணி மேேனஜ்மென்ட்’ புத்தகத்தில், நிதி வாழ்க்கையை சீராக்கி கொள்ள முதலில் உங்கள் பண சிந்தனையை புரிந்து கொள்ள வேண்டும் என்கின்றனர்.நிதி வழிகாட்டிகள் பலரும், தங்கள் கோட்பாடுகளை பணத்துடனான உறவை புரிந்து கொள்வதில் இருந்தே துவங்குகின்றனர். எனவே, பணம் தொடர்பான செயலற்ற சிந்தனைகளை விலக்கி, அவற்றுக்கு பதிலாக ஆரோக்கியமான பண அணுகுமுறை மற்றும் நம்பிக்கைகளை பெற வேண்டும். பணம் என்று வரும் போது, நீங்கள் கொண்டுள்ள எண்ணங்கள் உங்கள் செயலை தீர்மானிக்கும்; நீங்கள் சொல்வது உங்கள் செயலை தீர்மானிக்கும்; அதுவே உங்கள் தலைவிதியை நிர்ணயிக்கும்’ என்கிறார், முன்னணி தனிநபர் வல்லுனரான சூசன் ஆர்மன்.அவரும் மற்ற நிதி வழிகாட்டிகளும் வலியுறுத்துவது, நீங்கள் செயல்படாத பண சிந்தனைகள், அணுகுமுறைகள் மற்றும் நம்பிக்கைகளை மாற்றிக்கொள்ள வேண்டும் என்பதைத் தான். ஏனெனில், அவை தான் உங்கள் செயலற்ற பண பழக்கங்களுக்கு காரணமாக அமைகின்றன. செல்வத்திற்கான பாதையில் தடையாக இருக்கும் சிந்தனைகளை கண்டறிந்துவிட்டால், அவற்றை செழுமையான எண்ணங்களால் மாற்றிக் கொண்டு நிதிப்பாதையில் முன்னேறலாம்.இதற்காக பரிந்துரைக்கப்படும் வழிகள்...அம்மா, அப்பா வழி மீது பழி: பணம் தொடர்பான உங்களுடைய ஆரம்ப கால அனுபவங்களை நினைத்துப் பார்த்து, அவை எப்படி தற்போதைய பண எண்ணங்களை தீர்மானிக்கின்றன என புரிந்து கொள்ளும் வழி இது. நிதி சுதந்திரத்தின் முதல் படி, கொஞ்சம் திரும்பிப் பார்த்து, பணம் பற்றி முதலில் நீங்கள் புரிந்து கொண்ட போது, அது உங்களுக்கு என்னவாக இருந்தது என்பதை தெரிந்து கொள்வது தான் என்கிறார், ஆர்மன். பணம் தொடர்பான நினைவுகளை திரும்பிப் பார்ப்பதன் மூலம் பணம் தொடர்பான உங்கள் உறவை நன்றாக புரிந்து கொள்ளலாம். பணம் ஒருநபர்: இன்னொரு வழி, பணத்தை ஒருநபராக நினைத்துக் கொண்டு, அதனுடனான உறவு எப்படி அமைந்திருக்கிறது என கேட்டுக் கொள்வதாகும். இதன் மூலம் உங்கள் பண சிந்தனை பற்றிய புரிதலும் உண்டாகும். இவற்றோடு, எளிய பரிசோதனை ஒன்றும் உள்ளது. தினமும் காலை, உங்கள் பர்சை திறந்து பாருங்கள். அவற்றில், ரூபாய் நோட்டுகளை எப்படி அடுக்கி வைத்திருக்கிறீர்கள் என கவனிக்கவும். நோட்டுகள், அவற்றின் மதிப்பிற்கு ஏற்ப வரிசையாக அடுக்கப்பட்டு, உங்களை பார்த்துக் கொண்டிருக்குமாறு செய்யவும். ஏழ்மையின் மொழி: பணம் தொடர்பாக நீங்கள் பயன்படுத்தும் வார்த்தைகள் மற்றும் சொற்றொடர்களை கொண்டும் பணம் தொடர்பான எண்ணங்களை அறிந்து கொள்ளலாம். பணம் தொடர்பான வார்த்தைகள் செல்வ சொற்களாகவோ அல்லது ஏழ்மை வார்த்தைகளாகவோ அமைந்திருப்பதை கவனிக்கலாம். ஏழ்மையான வார்த்தைகளை பயன்படுத்தினால் ஏழ்மையான சிந்தனைகளே இருக்கும்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|