பதிவு செய்த நாள்
04 ஜூலை2016
07:12
உங்கள் நிகர மதிப்பு என்ன தெரியுமா? என்பது தனிநபர் நிதி திட்டமிடலில் முக்கிய கேள்வி. ரொக்கம் உட்பட சொத்துக்கள் என கருதும் தொகைக்கும், கடன் பொறுப்புகளுக்கும் இடையிலான வேறுபாடே நிகர மதிப்பாக அமைகிறது. லட்சாதிபதிகளும், கோடீஸ்வரர்களும் தான் நிகர மதிப்பை கணக்கிட வேண்டும் என்றில்லை. நிதி வாழ்க்கையை சீராக்கி கொள்ள விரும்பும் ஒவ்வொருவரும் தன் நிகர மதிப்பில் கவனம் செலுத்த வேண்டும்.
ஏன் முக்கியம்நிகர மதிப்பு என்பது மிகவும் முக்கியமானது. ஒருவருடைய சம்பளம் அல்லது மாத பட்ஜெட்டை போலவே அதுவும் முக்கியமானது. ஏனெனில், அது தான் ஒருவருடைய மொத்த நிதி வாழ்க்கையையும் எண்ணிக்கையாக சுருக்கித் தருகிறது. இதுவரை எவ்வளவு செல்வம் சேர்ந்திருக்கிறது என்பதையும், எவ்வளவு கடன் பொறுப்பு இருக்கிறது என்பதையும் அது உணர்த்துகிறது. இரண்டுக்கும் இடையிலான வேறுபாடு தான் நிகர மதிப்பு.
நிதி ஸ்கோர் கார்டுநிகர மதிப்பின் ஆற்றலை அறிய, அதை மாத பட்ஜெட்டுடன் இணைத்துப் பார்க்க வேண்டும். ஒவ்வொரு மாதமும், வருமானமும் இருக்கும், செலவுகளும் இருக்கும். வருமானத்தில் செலவுகள் போக மிச்சமுள்ள தொகை நிகர மதிப்பில் சேரும். இது, சேமிப்பு மூலம் அல்லது கடனுக்கான தவணை செலுத்துவது மூலம் கூட நிகழலாம்.வருமானத்தை விட அதிகம் செலவு செய்தால், நிகர மதிப்பு குறையும். நிகர மதிப்பு என்பது நிதி ஸ்கோர் கார்டு போன்றது.
எப்படி கணக்கிடுவதுநிகர மதிப்பை கணக்கிடுவது எளிதானது. ஒரு காகிதத்தில் கையில் உள்ள ரொக்கம், சேமிப்பு, ஓய்வூதிய கணக்கு, முதலீடு, சொத்துக்கள் உள்ளிட்டவற்றை குறிப்பிட்டு அதன் மொத்த தொகையை கணக்கிட வேண்டும். இன்னொரு பக்கம் கடன் பொறுப்புகளை பட்டியலிட்டு கணக்கிட வேண்டும். சொத்துக்களில் இருந்து கடனை கழித்தால் வரும் தொகை தான் நிகர மதிப்பு. இதற்காக, கம்ப்யூட்டரில் எக்செல் கோப்பையும் பயன்படுத்தலாம்.
என்ன பயன்* நிகர மதிப்பை கணக்கிடுவதன் மூலம் நிதி முன்னேற்றத்தை அறியலாம். கடந்த மாதங்களை திரும்பி பார்த்து என்ன முன்னேற்றம் என்பதை தெரிந்து கொள்ளலாம் * நிகர மதிப்பை கணக்கிடுவது நம்பிக்கையை அதிகமாக்கும். ஓய்வூதிய நிதி அல்லது அவசர கால நிதிக்கு அதிக தொகை ஒதுக்கியிருப்பது போன்றவை ஊக்கம் அளிக்கும்* சொத்துக்கள், முதலீட்டில் மட்டும் கவனம் செலுத்தாமல், கடன் பொறுப்புகளையும் மனதில் கொள்வது, நிதி ஆரோக்கியத்தை உணர்த்தும்* நிதிப்பாதையில் இப்போது எந்த இடத்தில் இருக்கிறீர்கள், தொடர்ந்து நிதி இலக்கை நோக்கி முன்னேற என்ன செய்ய வேண்டும் என்பதை புரிய வைக்கும்.
நிதி வரைபடம்நிகர மதிப்பை தொடர்ந்து கண்காணிக்க வேண்டும். மாதம் ஒரு முறையேனும் கணக்கிட்டு பார்ப்பது நல்லது. அதோடு நிகர மதிப்பை ஒருவருடைய வயது மற்றும் வருமானத்துடன் ஒப்பிட்டுப் பார்க்க வேண்டும். நிதி இலக்குகளுடனும் ஒப்பிட வேண்டும். மாதந்தோறும் நிகர மதிப்பை வரைபடம் போல குறித்து வரலாம். இந்த வரைபடம் நிதி வாழ்க்கையின் முன்னேற்றம் எப்படி இருக்கிறது என அறிய உதவும்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|