புது­டில்லி : ‘‘யூரே­ஷிய பொரு­ளா­தார கூட்­ட­மைப்பு நாடு­க­ளுடன் தாராள வர்த்­தக ஒப்­பந்தம் தொடர்­பான பேச்சு, விரைவில் துவங்கும்,’’ என, மத்­திய வர்த்­தகம் மற்றும் தொழில் துறை அமைச்சர் நிர்­மலா சீதா­ராமன் நம்­பிக்கை தெரி­வித்தார்.
அவர் மேலும் பேசி­ய­தா­வது: அர்­மீ­னியா, பெலாரஸ், கஜ­கஸ்தான், கிர்­கிஸ்தான், ரஷ்யா ஆகிய நாடு­களை உள்­ள­டக்­கிய, யூரே­ஷிய பொரு­ளா­தார கூட்­ட­மைப்­புடன், இந்­தியா, தாராள வர்த்­தக ஒப்­பந்தம் செய்து கொள்ள உள்­ளது. இதற்­கான சாத்­தி­யக்­கூ­று­களை ஆராய, கூட்டுக் குழு அமைக்­கப்­பட்­டது. இக்­குழு, யூரே­ஷிய நாடு­க­ளு­ட­னான தாராள வர்த்­தக ஒப்­பந்தம் குறித்து, அனைத்து அம்­சங்­க­ளையும் ஆராய்ந்து, அறிக்கை அளித்­துள்­ளது.
ரஷ்யாவுடன்...அதை, இந்­தியா பரி­சீ­லித்து, கருத்­துரை வழங்­கி­யுள்­ளது. இதை, யூரே­ஷிய நாடுகள் ஒவ்­வொன்றும் தனித் தனி­யாக பரி­சீ­லித்து, அவற்றின் ஒட்­டு­மொத்த கருத்தை தெரி­விக்க வேண்டும். அதற்­காக இந்­தியா காத்­தி­ருக்­கி­றது. கருத்­துரை கிடைத்­ததும், விரைவில் பரஸ்­பர பேச்சு துவங்கும். இந்த ஒப்­பந்தம் கையெ­ழுத்­தானால், ரஷ்யா மற்றும் மத்­திய ஆசிய நாடு­க­ளுக்கு, இந்­தியா, அதிக அளவில் சரக்கு மற்றும் சேவைகள் ஏற்­று­ம­தியை மேற்­கொள்ள வாய்ப்பு கிடைக்கும். இந்­தியா, ஏற்­க­னவே, ரஷ்யா உடன், வடக்கு – தெற்கு நெடுஞ்­சாலை போக்­கு­வ­ரத்து திட்டம் தொடர்­பாக பேச்சு நடத்தி வரு­கி­றது.
இத்­திட்டம் செயல்­பாட்­டிற்கு வந்தால், மும்­பையின் நவ­சேவா பகு­தியில் இருந்து, ஈரானின் பந்தர் அப்பாஸ், ரஷ்­யாவின், அஸ்த்­ரகன் நக­ரங்கள் வழியே, அசர்­பை­ஜானின் பாகு நக­ருக்கு சரக்கு போக்­கு­வ­ரத்து மேற்­கொள்ள முடியும்.இதன் மூலம், ஏற்­று­மதி செய்ய வசதி வாய்ப்­பற்ற மத்­திய ஆசிய நாடு­க­ளுக்கு, நேர­டி­யாக பொருட்­களை அனுப்பும் வச­தியை இந்­தியா பெறும்.
பரஸ்பர வர்த்தகம்:இது, இந்­தியா மற்றும் யூரே­ஷிய கூட்­ட­மைப்பு நாடு­களின் பரஸ்­பர வர்த்­தகம் மற்றும் பொரு­ளா­தார வளர்ச்­சிக்கு துணை புரியும். சமீ­பத்தில் மேற்­கொண்ட ரஷ்ய பயணம், பல ஆக்­கப்­பூர்வ செயல்­பா­டு­க­ளுக்கு வித்­திட்­டுள்­ளது. இந்­தியா – ரஷ்யா இணைந்து, ‘மேக் இன் இந்­தியா’ திட்­டத்தின் கீழ், முதன் முத­லாக, உள்­நாட்டில், ‘கமோவ் 226டி’ ராணுவ ஹெலி­காப்­டர்­களை தயா­ரிக்க உள்­ளன.இத்­திட்­டத்தை, ரஷ்­யாவின் ரோஸ்டெக் நிறு­வ­னமும், இந்­தி­யாவின், இந்­துஸ்தான் ஏரோ­நாட்டிக்ஸ் நிறு­வ­னமும் இணைந்து செயல்­ப­டுத்த உள்­ளன.இவ்­வாறு அவர் கூறினார்.
கடந்த, 2015 – 16ம் நிதி­யாண்டில், இந்­தியா – ரஷ்யா பரஸ்­பர வர்த்­தகம், 618 கோடி டால­ராக உயர்ந்­துள்­ளது. கடந்த, 2000 – 2016ம் நிதி­யாண்­டுகள் வரை, ரஷ்யா, இந்­தி­யாவில், 118 கோடி டாலர் முத­லீடு செய்­துள்­ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 14,2016

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 14,2016

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 14,2016

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 14,2016

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 14,2016

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்