பதிவு செய்த நாள்
08 ஆக2016
07:12
முதலீடு தொடர்பான ஆலோசனைகள் அளிக்கும் கையேடுகளும், பத்திரிகைகளும் ஆண்களை தேடி வரும்போது பெண்கள் மட்டும் ஏன் மளிகை கடைகளில் சிக்கனமாக இருப்பது பற்றியும், வீண் செலவுகளை கட்டுப்படுத்துவது பற்றியும் மட்டுமே ஆலோசனைகளை கேட்க நேர்கிறது என கேள்வி எழுப்புகிறார் கிம்பர்லி பால்மர். இதை மையமாக கொண்டு, ‘ஸ்மார்ட் மாம், ரிச் மாம்’ புத்தகத்தை அவர் எழுதியிருக்கிறார்:* உண்மை என்னவெனில், பெண்கள் தினசரி அடிப்படையில் அதிக அளவு பணத்தை கையாள்கின்றனர். தங்கள் மீதும், குடும்பம் மீதும் தாக்கம் செலுத்தும் நிதி முடிவுகளை மேற்கொள்கின்றனர். பல்வேறு ஆய்வுகள் குடும்ப நிதி நிர்வாகத்தில் பெண்கள் பங்கேற்க அதிகம் என்று தெரிவிக்கின்றன. பெண்கள் தாங்கள் அறிந்திருப்பதை விட அதிக நிதி பொறுப்புகளை சுமக்கின்றனர். ஆனால், நிதி ஆலோசனை உலகம் இதை அங்கீகரிக்காமல் இருக்கிறது. இருப்பினும் நம்மில் பலர் முதலீட்டு விஷயத்தில் சிறந்து விளங்குகிறோம். எனவே, நிதி திறன் மிக்க முதலீட்டாளராக விளங்குவதில் நமக்குள்ள ஆற்றலை சந்தேகிக்க வேண்டாம்.* அம்மாக்களை போல் சேமித்து செலவு செய்யுங்கள். தள்ளுபடிகளில் கவனம் செலுத்துங்கள். ஆனால், சில்லரைகளை மிச்சம் செய்வது மட்டுமே உங்கள் நோக்கமாக இருக்க கூடாது. நீண்ட கால நோக்கில் கவனம் செலுத்தி திட்டமிடுதலை மேற்கொள்வதிலும் கவனம் செலுத்துங்கள். * குழந்தை பிறப்புக்கு பிறகு நீங்கள் களைப்பாக உணரலாம். இதன் காரணமாக நிதி விஷயங்களில் கவனம் செலுத்த முடியாமல் போகலாம். இது கவலையும் அளிக்கலாம். ஆனால், தாய்மை பொறுப்பை மகிழ்ச்சியோடு நிறைவேற்றியபடி, உங்களுக்கான வருமான வழிகளை தேடிக்கொள்ளுங்கள். * ஏதேனும் ஒரு கட்டத்தில் நிதி பொறுப்புகளை பெண்கள் ஏற்க வேண்டி வரலாம். இதை முதலிலேயே பெண்களாக ஏற்றுக்கொள்வது நல்லது. செலவுகளை மேற்கொள்ளும் அதே நம்பிக்கையோடு முதலீட்டு முடிவுகளையும் பெண்கள் எடுக்க வேண்டும். * உங்கள் வீட்டிற்கு என்று ஒரு திட்டமிடல் தேவை. உங்கள் முக்கியமான ஆவணங்களை ஓரிடத்தில் எடுத்து வையுங்கள். வீட்டு பராமரிப்பு ஆவணங்களையும், குறிப்பாக ஓரிடத்தில் வைக்கவும். அவசர காலத்தில் என்ன செய்ய வேண்டும் எனும் திட்டத்தை தெளிவாக எழுதி வைக்கவும். * ஸ்மார்ட் அம்மாவாக இருப்பது என்பது பணத்தை நிர்வகிப்பது மட்டும் அல்ல. அது நம் குழந்தைகள் தங்கள் கனவுகளை நோக்கி எப்படி முன்னேற வேண்டும் என வழிகாட்டுவதாகவும் இருக்கிறது. ஏனெனில், அவர்கள் நாம் நம் கனவுகளை பின் தொடரும் விதம் மற்றும் மகிழ்ச்சிக்கும் பொறுப்புகளுக்கும் இடையே தினசரி முடிவுகளை மேற்கொள்ளும் விதத்தை பார்த்தே தங்கள் வழியை வகுத்துக்கொள்கின்றனர். * நீங்கள் அறிந்திருந்தாலும் சரி, இல்லாவிட்டாலும் சரி, உங்கள் குழந்தைகள் மட்டும் அல்லாமல் உங்கள் சமூகத்தில் உள்ள இளம் பிள்ளைகளுக்கு நீங்கள் தான் வழிகாட்டி.
மேலும் பொது செய்திகள்
|
Advertisement
|
Advertisement
|
Advertisement
|
|
|
|